2017-12-13 09:55:46 clouds 27o High | Kigali Rwanda

Dukurikire:
 
 

Basketball: Patriots BBC yatangiye imikino y’akarere ka 5 yitwara neza

Yanditswe na IMVAHO NSHYA

Kuya 2017-10-02 06:22:16

 
Share on:
 
Yasuwe:134
 
Yavuzweho:200
 
10
 
10

APR 45-57 KCCA
Patriots 110-43 Hawasa

Uyu munsi
APR BBC- Don Bosco
Patriots-Savio

Ikipe ya Patriots BBC ihagarariye u Rwanda mu mikino y’akarere ka 5 “ Zone 5 Clubs Championship 2017” irimo kubera muri Uganda kuva tariki 01 ikazasozwa ku ya 07 Ukwakira 2017 yatangiye yitwara neza itsinda ikipe ya Hawasa City yo muri Ethiopia.
Iyi mikino yatangijwe n’ikipe ya APR BBC ihagarariye u Rwanda mu bagore aho yatsinzwe na KCCA yo muri Uganda amanota 57 kuri 45. Nyuma hakurikiyeho umukino wa Patriots BBC na Hawasa City zirimu itsinda A, Patriots BBC yitwara neza itsinda amanota 110 kuri 43 ya Hawasa City.

JPEG - 215 kb
Patriots BBC yatangiye yitwara neza mu mikino y’akarere ka 5 irimo kubera i Kampala muri Uganda

Uyu munsi tariki 02 Ukwakira 2017, imikino irakomeza aho ikipe ya APR BBCmu bagore ikina Don Bosco yo muri Tanzania naho Patriots BBC mu bagabo ikine na Savio na yo yo muri Tanzania.

Amakipe yitabiriye
Mu bagabo hitabiriye amakipe 8 ashyirwa mu matsinda abiri aho itsinda A ririmo City Oilers (Uganda), Patriots BBC (Rwanda), Savio (Tanzania) na Hawasa City (Ethiopia) naho itsinda B harimo Betway Power (Uganda), Gonder City (Ethiopia), ABC (Tanzania) na KPA (Kenya). Aha amakipe akaba azakina imikino y’amajonjora nyuma habeho imikino ya ¼ aho ikipe zizahura bitewe n’uko zakurikiranye mu matsinda.

Mu bagore ni amakipe 7 ariyo KCCA na UCU (Uganda), Equity, KPA (Kenya), Don Bosco (Tanzania), APR BBC (Rwanda) na Horseed (Somalia) aha amakipe azakina hagati yayo nyuma ikipe izaba iya mbere ihabwe igikombe ndetse hamwe n’iya kabiri zibone itike y’imikino y’Afurika « FIBA Africa Clubs Champions Cup2017.»
Igikombe giheruka cyegukanwe n’ikipe ya City Oilers yo muri Uganda mu bagabo n’ikipe ya KPA yo muri Kenya mu bagore.

BUGINGO FIDELE

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE