2017-09-25 08:12:44 clouds 27o High | Kigali Rwanda

Dukurikire:
 
 

Perezida Paul Kagame yishimiye intsinzi ya Uhuru Kenyatta

Yanditswe na IMVAHO NSHYA

Kuya 2017-08-12 09:28:52

 
Share on:
 
Yasuwe:481
 
Yavuzweho:200
 
10
 
10

Perezida Kagame yoherereje ubutumwa bw’ishimwe Uhuru Kenyatta watorewe kuyobora Kenya muri manda ya kabiri.

Komisiyo y’Amatora ya Kenya ku wa Gatanu yemeje ko Uhuru yatsinze Raila Odinga wari uyoboye abo bahanganye.

Yagize amanota 54.27% mu gihe Odinga yagize 44.74%. Mu ijambo yavuze yakira intsinzi, Uhuru yavuze ko we na Raila Odinga atari abanzi.

Ati “ Turi abaturage b’igihugu kimwe, mu marushanwa yose habaho abatsinda n’abatsindwa ariko twese turi abenegihugu ba Kenya.”

JPEG - 115.5 kb
Perezida Kagame na Kenyatta

Yongeyeho ko ashaka gukorana n’ishyaka rya Raila Odinga, NASA. Ati “nshaka ko tugirana ubufatanye butajegajega kuko igihugu cyacu kidukeneye twese hamwe kugira ngo tugire icyo tukigezaho.”

Perezida Kagame yashimiye Uhuru Kenyatta abinyujije ku rubuga rwa Twitter, ati “Ndagushimiye muvandimwe Uhuru Kenyatta ko amatora yagenze neza ndetse n’ikizere abanya Kenya bakugiriye!”

Uhuru nawe yamusubije ati "Urakoze muvandimwe perezida. Twubake umuryango wacu twese hamwe."

U Rwanda na Kenya bifitanye umubano mwiza cyane. Ibihugu byombi bihuriye mu muryango wa Afurika y’Uburasirazuba, EAC, ndetse no mu mushinga w’umuhora wa ruguru.

U Rwanda na Kenya byemeje guhuza Viza imwe y’ubukerarugendo kimwe na Uganda, ndetse abaturage b’ibi bihugu uko ari bitatu bemerewe kubigendamo bakoresheje indangamuntu gusa.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE