2017-10-21 09:13:02 clouds 27o High | Kigali Rwanda

Dukurikire:
 
 

Kigali: Hateguwe igiterane cy’ububyutse

Yanditswe na IMVAHO NSHYA

Kuya 2017-08-05 16:14:38

 
Share on:
 
Yasuwe:138
 
Yavuzweho:200
 
10
 
10

Itorero United Christian Church ishami rya Gikondo mu mujyi wa Kigali ryateguwe igiterane cy’ububyutse cyahawe inyito ya “Revival Conference” kizafasha abarikisitu kongera kugira ibihe byiza byo gusenga no gusabana n’Imana.

Mu kiganiro Imvaho Nshya yagiranye n’umuyobozi w’ Itorero United Christian Church “UCC-Gikondo”, Bishop Margaret Rwandamura yatangaje ko iki giterane bagiteguye kugira ngo bongere guhagurutsa abakirisitu no kubasubizamo imbaraga mu buryo bwa gikirisito.

Ati “Ni igiterane dutegura buri mwaka, intego yacyo iba ari ukugira ngo cyongere guhagurutsa no gusubizamo intege abakirisitu. Hari abantu baba baragiye basubira inyuma, bacika intege banateshuka ariko iki giterane kibasubizamo imbaraga.”

JPEG - 184.5 kb
Abagize Kingdom of God Ministries

Bishop Margret Rwandamura yavuze ko iki giterane bakitezeho umusaruro w’ububyutse mu itorero ayobora.

Yagize ati “Tukitezeho umusaruro cyane, umusaruro wa mbere ni uwo gusubizwamo intege ku itorero ndetse n’abatari bakizwa bashobora kukizamo ntabwo bahejwe.”

Iki giterane kiba buri mwaka cyatumiwemo abakozi b’Imana batandukanye barimo, Apôtre Rwandamura, Umuyobozi mukuru akaba anahagarariye Itorero rya UCC mu Rwanda.

Margaret Rwandamura atangaza kandi ko guhuriza hamwe abakozi b’Imana bisanzwe bitanga umusaruro ufatika mu itorero.

Ati “Uko tugikoze buri mwaka gisiga umusaruro hari ahantu abantu bava bakagera ahandi. Ni ukuvuga ngo tuba twatumiye abakozi b’Imana batandukanye bafite amayerekwa n’amahishurirwa atandukanye bakoreshwa mu buryo butandukanye kandi bafite impano zitandukanye, ibyo byose biberaho kugira ngo bifashe ubugingo bw’abakirisitu.”

JPEG - 64.3 kb
Abaririmbyi bagize itsinda ryo kuramya no guhimbaza rya UCC Gikondo

Bishop Margaret Rwandamura arakangurira abakirisitu kwitabira iki giterane nk’uko gifite insanganyamatsiko iboneka mu gitabo cya Yoweli 2:25, igira iti “Nzabashumbusha imyaka yanyu inzige zariye, n’iyariwe n’uburima n’ubuzikira na kagungu, za ngabo zanjye zikomeye nabateje”.

Abasaba kuzitabira yagize ati “Ibintu dushumbushwa ni byinshi kuko muri iyi si harimo ibintu byinshi bitugora, hari igihe umuntu atakaza kwizera, agakiza k’umwimerere, ibihe byo gusenga no gusabana n’Imana, impano nyirizina yo gukorera Imana cyangwa umuhamagaro, ugasanga umuntu yatakaje nk’umugisha ufatika w’ibintu ariko iyo habayeho ibihe byo gushumbushwa twizera ko Imana itavugira ubusa.”

Nzanana Joseph, umuyobozi w’ Itsinda ryo kuramya no guhimbaza muri iryo torero yavuze ko bari mu bazaririmbira abazitabira icyo giterane kandi yemeza ko biteguye kuzafasha abantu mu gikorwa cyo kuramya no guhimbaza Imana.

Sinkabumwe Ngaga Michael, Umuyobozi wa Kingdom of God Ministries na yo izaba iri muri iki giterane yavuze ko nabo bishimiye kuzajya kuramya no guhimbaza Imana muri icyo giterane kandi ko abantu bazaza bazabona ibyiza byo mu nzu y’Imana.

Ati “Icyo twabwira abantu bose bazaze dufatanye mu kuramya no guhimbaza kugira ngo ubwami bw’Imana bukomeze buganze ku isi.

JPEG - 108.6 kb
Umuyobozi w’Itorero United Christian Church ishami rya Gikondo, Bishop Margaret Rwandamura

Hari amatsinda menshi azaririmba indirimbo zo kuramya no guhimbaza Imana muri icyo giterane.

Abakirisitu benshi bakaba bavuga ko iyo hakozwe ibiterane bungukiramo byinshi birimo guhinduka bakarushaho gukora ibyiza, guhumuriza abarwayi no gufasha abafite intege nke.

Iki giterane cy’ububyutse cyateguwe ku nshuro ya karindwi kizabera i Gikondo kikaba kizatangira ejo tariki 6 Kanama kigasozwa ku ya 13 Kanama 2017.

NKOMEJE GUILLAUME

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE