2017-10-21 09:13:02 clouds 27o High | Kigali Rwanda

Dukurikire:
 
 

Ngoma: Abaganga bakurikiraniye hafi abaturage basaga 80 bafashwe n’indwara yo gucibwamo

Yanditswe na IMVAHO NSHYA

Kuya 2017-08-01 14:38:54

 
Share on:
 
Yasuwe:445
 
Yavuzweho:200
 
10
 
10

Abaturage bamaze kuba 87, bo mu midugudu ya Gitesanyi na Cyanamo, mu kagari ka Karwema, mu murenge wa Mutenderi bamaze kugera ku kigo nderabuzima cya Mutendeli, mu karere ka Ngoma bagaragaza ibimenyetso byo gucibwamo.

Amakuru Imvaho Nshya ikesha Muragijemungu Arcade, Umunyamabanga Nshingwabikorwa w’umurenge wa Mutendeli, aravuga ko abantu bafashwe no gucibwamo batangiye kugera kuri iki kigo nderabuzima mu rukerera rwo kuwa 1 Kanama 2017.

Agira ati “Kugeza ubu kwa muganga batubwiye ko hamaze kugera abarenga 80, bagaragaza ko bafite kuribwa mu nda, bagacibwamo. Batangiye kuhagera nka saa saba z’ijoro bake, mu gitondo ni bwo bakomeje kwiyongera.”

JPEG - 54.9 kb
Ikigo nderabuzima cya Mutenderi cyakiriye abahuye n’ubu burwayi bwo gucibwamo

Akomeza asobanura ko uburwayi bafite hari gukekwa ko bwatewe n’ibiribwa cyangwa ibinyobwa bifite isuku nke bafashe ku cyumweru gishize (kuwa 30 Nyakanga 2017), ubwo bizihizwaga ibirori by’iminsi mikuru.

Agira ati “Baturuka mu midugudu 2 yegeranye, bagera kuri 60 bo mu kagari kamwe. Ubu bari kwitabwaho n’abaganga. Bo baravuga ko banyweye ibigage, ku buryo bishobora kuba ari ibintu banyoye bifite umwanda kuko kuri iki cyumweru hari iminsi mikuru, kuko kiliziya Gatulika iherutse gukora isakaramentu ryo gukomezwa. Biragaragara ko bafite ibintu byabanduje ni byo tugikurukirana.”

Gitifu Muragijemungu atangaza ko na bamwe mu barwayi bavuga ko icyo bakeka cyabateye ubu burwayi ari ibyo bariye cyangwa banyoye mu minsi mikuru, yabaye ku cyumweru.

Ubu bari kwitabwaho n’abaganga basanzwe ku kigo nderabuzima cya Mutendeli, gusa ngo bitewe n’umubare mwinshi w’aba barwayi, hari kurebwa uburyo hazanwa abandi baganga bashobora kubafasha; baturutse ku bitaro bikuru bya Kibungo.

Dr. Namanya William, umuyobozi w’ibitaro bikuru bya Kibungo yabwiye Imvaho Nshya ko bamaze koherezayo abandi baganga ngo bite kuri aba barwayi, banakurikirane icyateje ubu burwayi, kikaza kumenyekana mu masaha ari imbere.

Ku gicamunsi cyo kuwa kabiri tariki ya mbere Kakanama 2017, ubuyobozi bw’umurenge wa Mutendeli bwaganiriye n’abaturage mu nteko y’abaturage mu kagari ka Karwema, bagirwa inama zirimo no kwita ku isuku.

MANISHIMWE NOËL

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE