2017-10-22 09:15:58 clouds 27o High | Kigali Rwanda

Dukurikire:
 
 

Kicukiro: Biyemeje kuzatora Paul Kagame 100%

Yanditswe na IMVAHO NSHYA

Kuya 2017-07-31 09:36:56

 
Share on:
 
Yasuwe:76
 
Yavuzweho:200
 
10
 
10

Abaturage bo mu karere ka Kicukiro, basoreje ibikorwa byo kwamamaza umukandida w’Umuryango FPR-Inkotanyi mu murenge wa Masaka ejo hashize ku wa 30 Nyakanga 2017.

Imbaga y’abanyamuryango ba RPF/Inkotanyi mu karere ka Kicukiro yemeza ko izatora Paul Kagame 100% mu matora y’umukuru w’Igihugu ateganyijwe ku itariki 4 Kanama 2017.

Abo banyamuryango bahagurukiye ku ishuri rikuru ry’ubumenyingiro, IPRC Kicukiro hakoreshejwe uruhererekane rw’imodoka ( Cortège ) zitatse amafoto y’umukandida Paul Kagame wa RPF/Inkotanyi ndetse n’ibirango by’uyu muryango n’amabendera yayo.

JPEG - 170.2 kb
Urugendo rwo gusoza ibikorwa byo kwamamaza umukandida wa FPR Inkotanyi rwari rwitabiriwe n’abaturage benshi muri Kicukiro

Bari bafite akanyamuneza n’indirimbo zivuga ibigwi by’uyu mukandida, berekeza i Masaka aho bakiriwe n’ababyeyi bavuza impundu bicaye ku ruhimbi iruhande rw’inka zambaye ibirango bya RPF/Inkotanyi zatanzwe muri gahunda ya Girinka Munyarwanda.

Gasana Janvier, ushinzwe ibikorwa byo kwamamaza ku rwego rw’akarere ka Kicukiro yavuze ko muri rusange ibikorwa byo kwamamaza umukandida wabo byagenze neza, ashimira imitwe ya politiki 8 yifatanyije na RPF/Inkotanyi ko yahisemo neza.

Yagize ati “Uko bimeze hano ni nako bimeze mu yindi mirenge yose yo mu gihugu cy’u Rwanda. Gutora umukandida wacu ni ugushimangira ibyiza yatugejejeho no kubisigasira.”

JPEG - 194 kb
Hamuritswe inka zatanzwe muri Gahunda ya Girinka Munyarwanda

Muri uku kwamamaza umukandida wa RPF/Inkotanyi, Abanyarwanda batandukanye batanze ubuhamya bw’ibyo bagezeho babikesha imiyoborere myiza irangajwe imbere na Nyakubahwa Paul Kagame.

By’umwihariko mu murenge wa Masaka barishimira icyambu cyatangiye kuhubakwa kizajya gishyikirizwamo ibicuruzwa biva mu mahanga, kizagira uruhare rukomeye mu gutanga akazi cyane cyane ku rubyiruko rurangiza amashuri.

Byongeye kandi ngo nyuma y’intsinzi ngo ibyo bagezeho bizakubwa inshuro ndwi.

Abanyamuryango ba RPF/Inkotanyi mu karere ka Kicukiro bahuje intego y’uko ku itariki ya 4 Kanama 2017 ari umunsi ukomeye mu mateka y’ubuzima bwabo ndetse n’ubw’Abanyarwanda bose muri rusange kuko bawutegereje nk’ubukwe.

JPEG - 176.2 kb
Ababyeyi baje gushimira umukandida Paul Kagame waboroje bagakamira ibibondo
JPEG - 224.2 kb
Urubyiruko rwa Kicukiro rwitabiriye ibikorwa byo kwamamaza Paul Kagame ari rwinshi

MUKAGAHIZI ROSE

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE