2017-12-11 11:57:22 clouds 27o High | Kigali Rwanda

Dukurikire:
 
 

U Bwongereza bugiye kwigisha abaganga bo mu Rwanda kuvura kanseri

Yanditswe na IMVAHO NSHYA

Kuya 2017-06-29 23:30:00

 
Share on:
 
Yasuwe:28
 
Yavuzweho:200
 
10
 
10

Umuryango uteza imbere uburezi n’umuco w’u Bwongereza mu mahanga, British Council urateganya guhugura abaganga bo mu Rwanda mu buvuzi bwa kanseri n’indwara zo mu mutwe.

Iyo gahunda izaterwa inkunga na Banki ya Afurika y’Uburasirazuba y’Iterambere, EADB, izafasha abaganga bakiri bato bo mu bitaro bya Kanombe n’ibya Butare, bigishwe n’inzobere zo muri Royal College of Physcians imwe muri za kaminuza z’ubuvuzi zikomeye mu Bwongereza.

Umuyobozi wa British Council mu Rwanda ucyuye igihe Sheilagh Nielson avuga ko iyo gahunda igamije kugabanya umubare w’abanyarwanda bapfa bazize indwara zo mu mutwe na kanseri, abajya kuzivuza mu mahanga, bakazajya bazivurwa hakiri kare.

Yakomeje ati “Tuzakorera mu bitaro bya Kanombe n’ibya kaminuza ya Butare mu myaka itatu iri imbere. Abazigishwa bazajya batoranywa mu bitaro bya Kanombe nibya butare hagendewe ku bumenyi basanzwe bafite kandi bakiri bato. Mu myaka itatu iri imbere turizera ko tuzaba twigishije abaganga bari hagati 600 na 800 mu bihugu bya Afurika y’Uburasirazuba bine.”

JPEG - 91.6 kb
Ubuyobozi bwa British Council buvuga ko buzakomeza gufasha Abanyarwanda

Ambasaderi w’u Bwongereza mu Rwanda, William Gelling, ahamya ko u Rwanda n’u Bwongereza bizakomeza gufatanya muri gahunda zo guhugura abakozi no korohereza Abanyarwanda kwiga mu Bwongereza binyuze mu gutanga za buruse.

Mu myaka icyenda ishize British Council ikorera mu Rwanda, yafatanyije na Leta mu kongerera ubumenyi abarimu mu rurimi rw’icyongereza, gutanga ibizamini by’urwo rurimi ku bifuza kwiga mu Bwongereza guteza imbere umuco n’ubugeni. U Bwongereza kandi guha buruse Abanyarwanda bifuza kwiga muri kaminuza zabwo buri mwaka.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE