2017-10-22 09:15:58 clouds 27o High | Kigali Rwanda

Dukurikire:
 
 

USA: Ubushakashatsi bwerekanye ko kwemera Imana bifasha abarwayi guhangana na diyabete

Yanditswe na IMVAHO NSHYA

Kuya 2017-06-12 10:52:16

 
Share on:
 
Yasuwe:191
 
Yavuzweho:200
 
10
 
10

Ubushakashatsi bwakozwe na kaminuza ya Floride muri Leta Zunze Ubumwe za Amerika bwemeje ko kwemera Imana bifasha abarwayi ba diyabete guhangana n’iyo ndwara.

Impuguke zakoze ubwo bushakashatsi zivuga ko abarwayi ba diyabete bemera ko Imana ibaho, bibafasha gutegura ifunguro riboneye nk’uko babitegetswe na muganga.

Bemeza ko kwemera Imana ari intwaro ikomeye yo guhangana na diyabete zo mu bwoko bwa kabiri zishobora kwica, zigatera ubuhumyi, impyiko no gucibwa amaguru.

Daily Mail ivuga ko ubwo bushakashatsi bwakorewe ku miryango 87 aho umwe mu bashakanye arwaye diyabete. Basanze abemera Imana bibafasha gucunga isukari mu mubiri, no gufatana mu mugongo, ndetse bakishimira ko ibakunda bikabafasha kuruhuka mu mutwe.

Bavumbuye kandi ko umurwayi wa diyabete utemera Imana bimugora gufatanya n’umufasha we mu gupanga imirire itamugiraho ingaruka; mu gihe abayemera bafatanya gupanga ibyo kurya rimwe na rimwe n’umwe muri bo utarwaye akigomwa agasangira na mugenzi we urwaye.

Diyabete yo mu bwoko bwa kabiri iterwa no kugira isukari nyinshi mu mubiri kuko uba utakibasha kuyibyazamo ingufu uko bikwiye.

Abayirwaye babuzwa kurya bimwe mu biribwa, bagategekwa gukora siporo ari nako bafata imiti.

Bivugwa ko zo mu bwoko bwa kabiri zishobora kugabanya imyaka 10 ku cyizere cyo kubaho cy’uyirwaye .

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE