2017-10-18 07:03:30 clouds 27o High | Kigali Rwanda

Dukurikire:
 
 

Uruzinduko rwa Trump muri Saudi Arabia rwongereye umwuka mubi hagati ya USA na Iran

Yanditswe na IMVAHO NSHYA

Kuya 2017-05-23 09:10:02

 
Share on:
 
Yasuwe:488
 
Yavuzweho:200
 
10
 
10

Iran yarushijeho kwijundika Leta Zunze Ubumwe nyuma y’uruzinduko rwa Perezida Donald Trump muri Saudi Arabia, ku wa Cyumweru ku ya 21 Gicurasi 2017.

Kuba Trump yarahisemo gutangirira ingendo ze zo ku mugabane wa Aziya muri Saudi Arabia, byerekanye ko ubutegetsi bwe butazigera bwikoza Iran, igihugu kigendera ku mahame akarishye ya Kiyisilamu.

Perezida Trump yasinye n’umwami wa Saudi Arabia amasezerano y’agaciro ka miliyari 380 z’amadorali, arimo miliyari 110 yo kugura intwaro.

Nyuma yaho yavuze ko Iran iteza imvururu mu gace k’Uburasirazuba bwo Hagati kandi abivuga ku munsi abaturage bayo miliyoni 41 bitabiriye amatora, aho biteganyijwe ko perezida Hassan Rouhani arongera agatorwa.

JPEG - 32.7 kb
Trump n’umwami wa Saudi Arabia

Umubano wa USA na Iran wadindiye kuva mu mpinduramatwara ya Kiyisilamu yo mu 1979 yatumye umukuru w’igihugu wari uyiyoboye, wari inshuti ya USA ahirikwa.

Ubutegetsi bwa Trump bwasubije urudubi uwo mubano wari utangiye kuzanzamuka ku bwa Obama aho ibi bihugu byashyize umukono ku masezerano y’intwaro za kirimbuzi mu 2015, Iran igakurirwaho ibihano byinshi.

Ku cyumweru Trump yagize ati “Iran itera inkunga intagondwa n’inyeshyamba zisenya zikanateza akavuyo mu karere kuva muri Liban, Iraq na Yemen.”

Yasabye ibihugu byo muri ako gace guha akato Iran kugeza igihe ubuyobozi bwayo buviriye ku izima nk’uko AFP ibitangaza.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE