2017-10-18 07:03:30 clouds 27o High | Kigali Rwanda

Dukurikire:
 
 

Brazil: Perezida akurikiranweho ruswa

Yanditswe na IMVAHO NSHYA

Kuya 2017-05-19 07:32:12

 
Share on:
 
Yasuwe:182
 
Yavuzweho:200
 
10
 
10

Perezida wa Brazil, Michel Temer yatangiye gukorwaho iperereza n’urukiko rw’ikirenga ashinjwa ruswa; ni mu gihe n’uwo yasimbuye, Dilma Roussef yegujwe mu mwaka ushize azira gucunga nabi umutungo wa Leta.

Ibiro Ntaramakuru by’icyo gihugu, Agencia Brasil byatangaje ko umucamanza w’urukiko rw’ikirenga, Edson Fachin, yafashe umwanzuro wo gutangira gukurikirana perezida nyuma y’uko hamenyekanye amakuru yuko yakiriye ruswa.

Bivugwa ko iyo ruswa yayihaye umwe mu bayobozi b’ibigo bikomeye by’ubucuruzi, kugira ngo yitambike ibyo gukurikirana Eduardo Cunha wahoze ari umukuru w’inteko ishinga amategeko ufungiwe nawe kwakira ruswa.

JPEG - 28.3 kb
Perezida Michel Temer avuga ko adateze kwegura

Ayo makuru yateje impagarara muri Brazil kuva ku mugoroba wo ku wa gatatu, aho bamwe bigaragambije basaba ko Perezida Temer, utaramara umwaka ku buyobozi yeguzwa, ibi byanashimangiwe n’amashyaka menshi atavuga rumwe na leta.

Perezida Michel Temer ariko we yatangaje ko adashobora kwegura kuko ibimuvugwaho ari ibinyoma.

Ati “Sinzegura, mbisubiremo uko byagenda kose sinteze kwegura. Sinigeze ntanga ruswa.”

Yongeyeho ko ari mu rugamba rukomeye rwo kuzahura ubukungu bwa Brazil, kandi ko ibikorw abye bidakwiye kwambikwa icyasha n’ibyo birego by’ibibihimbano.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE