2017-10-22 09:15:58 clouds 27o High | Kigali Rwanda

Dukurikire:
 
 

Abahanzi Nyarwanda bishimiye Diamond Platnumz ugiye kubafasha gucuruza umuziki

Yanditswe na IMVAHO NSHYA

Kuya 2017-04-03 11:36:29

 
Share on:
 
Yasuwe:824
 
Yavuzweho:200
 
10
 
10

Bamwe mu bahanzi Nyarwanda bishimiye igitekerezo cy’umuhanzi Diamond Platnumz ugiye gutangiza mu Rwanda ibikorwa bijyanye no kubafasha gucuruza umuziki wabo.

Bamwe mu baganiriye na Imvaho Nshya, barimo Jules Sentore na Muneza Christophe ukoresha mu muziki izina rya Christopher bakiriye neza igitekerezo cya Diamond Platnumz.

Christopher yavuze ko icyo gikorwa cya Diamond ari cyiza cyane ngo gusa ababajwe n’uko uyu munya Tanzania atanze abashoramari bo mu Rwanda kubona ko umuziki wo mu Rwanda ukwiye gushorwamo imari.

Yagize ati “Ni igitekerezo cyiza cyane navuga ko mbyishimiye, gusa ikibabaje ni uko atanze abashoramari bo mu Rwanda kubona ko umuziki Nyarwanda ukwiye gushorwamo imari”.

JPEG - 120 kb
Diamond Platnumz ugiye gutangira umushinga wo gukorana n’abahanzi nyarwanda

Jules Sentore na we yashimangiye ko ari igikorwa cyiza kizagirira akamaro impande zombi.

Ati “Ni igikorwa cyiza kuko kizatugirira akamaro kandi na we ni uko”.

Diamond yatangaje ko azatangira gukorera mu Rwanda abinyujije ku rukuta rwe rw’urubuga rwa Instagram avuga ko muri iki cyumweru ibikorwa by’inzu ye itunganya umuziki “Wasafi Records” bijyanye no gucuruza ibihangano Nyarwanda bizatangira.

Yagize ati “Bahanzi ba b’Abanyarwanda, nejejwe no kubamenyesha ko kuva mu cyumweru gitaha ishami rya Wasafi ryo gucuruza umuziki rizatangira gukorera mu Rwanda. Mu minsi ya vuba nzabamenyesha aho rizaba rikorera n’uko mwazakorana naryo mu kugurisha umuziki wanyu mwiza”.

Umuhanzi Diamond azwi ku ndirimbo zinyuranye zirimo iyitwa “ Marry you”, “ Kesho”, “ Salome” n’izindi.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE