2017-12-11 11:57:22 clouds 27o High | Kigali Rwanda

Dukurikire:
 
 

Ras Bambo, umuhanzi uvuga ko azanye impinduka muri Reggae nyarwanda

Yanditswe na IMVAHO NSHYA

Kuya 2017-03-07 09:39:13

 
Share on:
 
Yasuwe:548
 
Yavuzweho:200
 
10
 
10

Ras Bambo ni umurasita wifuza impinduramatwara muri muzika nyarwanda cyane cyane mu njyana ya Reggae ndetse ngo umunsi umwe yiteze ko abahanzi nyafurika n’abayikomokamo bakora iyi njyana bazunga ubumwe.

Ras (Peace) Bambo yabwiye Imvaho Nshyako amaze gushyira ahagaragara indirimbo ebyiri, ndetse akaba ashaka gukora album ikubiyemo ubutumwa yegeneye Abanyarwanda.

Yagize ati ”Indirimbo zanjye zose zicuranze muri reggae kandi ubutumwa bukubiyemo zose buri mu kinyarwanda kuko njye ndirimbira abanyarwanda, mfite uburimwa bushingiye ku kuri, urukundo no guhuza abanyafurika.”

JPEG - 193.6 kb
Ras Peace Bambo yifuza guhuriza hamwe abahanzi nyafurika

Uyu muhanzi kandi arifuza kuzakora igitaramo kizatumira abahanzi baturutse mu bihugu by’Afurika binyuranye, n’abandi bahakomoka bakomeye .

Ati: ” Njye birambaza cyane iyo ya tariki ya 11 Gicurasi ya buri mwaka igera ugasanga mu tubari n’amahoteli bagiye bategura ibitaramo akenshi ukanasanga bifite ubwitabirwe buke, ariko njye ndashaka guhuriza hamwe Africa mbihereye mu bahanzi bakora injyana ya Reggae bakomeye aho baba bari hose maze tukaririmbira abanyarwanda , ikindi kandi nta munyarwanda uzishyura muri icyo gitaramo bose banjirira ubuntu mu gitaramo cyanjye”.

Ras Bambo afite indirimbo imwe yise Ndumunyarwanda na Vampire n’izindi nyinshi zigitunganywa ariko zizagenda zijya hanze mu bihe bitandukanye,.

Akorana Producer Gate usanzwe amenyereweho ubuhanga kubera gukorana n’abahanzi batandukanye kandi bakomeye hano mu Rwanda.

Uyu muhanzi kandi arashishikariza Abanyarwanda kwimika urukundo n’amahoro. Kumenya amakuru ye arambuye wasura urubuga rwe ww.facebook.com/RasBambo cyangwa se urw’itsinda rireberera inyungu ze muri muzika www.facebook.com/JahTribeBand .

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE