2017-10-22 09:15:58 clouds 27o High | Kigali Rwanda

Dukurikire:
 
 

USA iranyomoza amakuru y’uko Perezida Trump yakuriyeho Abanyarwanda Viza

Yanditswe na IMVAHO NSHYA

Kuya 2017-02-06 07:11:43

 
Share on:
 
Yasuwe:7251
 
Yavuzweho:200
 
10
 
10

Leta Zunze Ubumwe za Amerika, ibinyujije muri Ambasade yayo mu Rwanda, irasaba Abanyarwanda kudaha agaciro igihuha kivuga ko Perezida Trump yashyize umukono ku itegeko ribakuriraho Visa igihe bashaka gutembera muri cyo gihugu.

Ni igihuha cyakomeje gusakazwa ku mbuga nkoranyambaga giturutse ku kinyamakuru kitwa USA-television.com. Kivuga ko Abanyarwanda bemerewe gutembera muri USA nta viza mu gihe cy’amezi atandatu (iminsi 180), mu gihe bajyanwe na gahunda z’ubucuruzi n’ubukerarugendo.

PNG - 153.3 kb
Itangazo ambasade ya USA mu Rwanda yashyize ahagaragara

Ambasade ya USA mu Rwanda, ibinyujije ku rubuga rwa Facebook yabwiye Abanyarwanda bashaka kujya muri USA ko bagomba kubanza kwaka viza nk’uko bisanzwe.

Basabwe kandi kubanza kumenya amakuru y’ibyangombwa ushaka viza agomba kuba afite banyuze ku rubuga rwayo, rw.usembassy.gov

JPEG - 83.2 kb
Perezida Trump amaze gusinya itegeko mu minsi ishize

Trump kandi yari aherutse gutangaza itegeko rivuga ko abaturage bo muri Sudan, Syria, Yemen, Iran, Iraq na Somalia batemerewe kwinjira muri USA mu mezi atatu ari imbere.

Icyo cyemezo cyamaganwe hirya no hino mu mahanga ndetse gihagarikwa n’umucamanza.

Mu mpera z’icyumweru gishize, uyu muperezida mushya yibasiye umucamanza wahagaritse iryo tegeko avuga ko nihagira umugizi wa nabi winjira muri USA azabibazwa.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE