2017-11-22 08:52:40 clouds 27o High | Kigali Rwanda

Dukurikire:
 
 

Sergio Aguero ashobora kwerekeza muri Real Madrid

Yanditswe na IMVAHO NSHYA

Kuya 2017-02-04 06:42:36

 
Share on:
 
Yasuwe:385
 
Yavuzweho:200
 
10
 
10

Umukinnyi ukinira ikipe ya Manchester City mu Bwongereza ukomoka muri Argentine, Sergio Aguero biravugwa ko ubwo umwaka w’imikino wa 2016-2017 uzaba urangiye ashobora kwerekeza mu ikipe ya Real Madrid yo muri Espagne.

Muri iyi minsi uyu rutahizamu ntakibona umwanya ubanzamo mu kibuga , ibintu nawe atishimiye. Ikindi kiyongeraho ni ukuza k’umusore ukiri muto ukomoka muri Brazil, Gabriel Jesus ubu uri guhabwa umwanya wo gukina akaba ashobora guhita yicaza burundu Sergio Aguero.

Mu mukino uheruka wa shampiyona aho Manchester City yatsinze West Ham United , umutoza Pep Guardiola yahisemo kubanza ku ntebe y’abasimbura Sergio Aguero aho yagiyemo ku munota wa 73 w’umukino asimbuye Raheem Sterling.

JPEG - 62.1 kb
Sergio Kun Aguero

Ikinyamakuru “Theguardian” gitangaza ko uhagarariye uyu mukinnyi, Hernan Reguera yahakanye amakuru y’uko umukinnyi we ashobora kwerekeza muri Real Madrid aho yatangaje ko nta kibazo afitanye n’umutoza Guardiola.

Aha yagize ati “ Aguero arishimye kandi azaba ari aha n’umwaka utaha w’imikino”.

Sergio Leonel "Kun" Agüero w’imyaka 28 yageze muri Machester City muri 2011 avuye mu ikipe ya Atletico Madrid yo muri Espagne. N’ubwo bivugwa ashobora kuva muri iyi kipe aracyafite amasezerano y’imyaka 3 kuko azarangira muri 2020. Muri uyu mwaka wa shampiyona amaze gukina imikino 22 akaba yaratsinze ibitego 18.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE