2017-09-26 12:43:25 clouds 27o High | Kigali Rwanda

Dukurikire:
 
 

USA: Trump yahaye umukwe we umwanya ukomeye mu buyobozi

Yanditswe na IMVAHO NSHYA

Kuya 2017-01-10 09:39:54

 
Share on:
 
Yasuwe:15
 
Yavuzweho:200
 
10
 
10

Jared Kushner, umukwe wa Donald Trump watorewe kuyobora Leta Zunze Ubumwe za Amerika yagizwe umujyanama wa Perezida wo ku rwego rwo hejuru.

Kushner, umugabo wa Ivanka Trump, nta bunararibonye afite muri politiki ariko yagize uruhare rukomeye mu bikorwa byo kwamamaza Donald Trump.

Sky News ivuga ko kimwe na Trump, Jared Kushner w’imyaka 35, ari umuherwe ufite inyubako nyinshi mu mujyi wa New York; akaba anafite ikinyamakuru kitwa The New York Observer.

JPEG - 84.2 kb
Jared Kushner yahoraga hafi ya Trump mu bikorwa byo kwiyamamaza

Itangazo Trump yashyize ahagaragara riragira riti “ Jared yaritanze aba n’umujyanama wizewe mu bikorwa byo kunyamamaza no muri iyi minsi nyuma y’amatora. Ntewe ishema ryo kumuha umwanya w’ingenzi mu buyobozi bwanjye.”

Ibi byatumye bamwe mu bakurikiranira politiki yo muri USA bavuga ko Trump yishe itegeko rivuga ko nta perezida wemerewe guha akazi umuntu wo mu muryango we.

Ariko umunyamategeko wa Kushner, Jamie Gorelick yabwiye Sky News ko atishe iryo tegeko ryo muri 1967 kuko ritareba abajyanama ba Perezida n’abandi bakozi bo mu biro bye.

Yongeyeho koJared Kushner azava ku mwanya w’ubuyobozi mu bucuruzi ayoboye no mu kinyamakuru cye, kugira ngo yirinde gushyira imbere inyungu ze.

Kimwe n’abandi Trump yashyize ku buyobozi, Kushner azemezwa n’inteko ishinga amategeko umutwe wa Sena.

Donald Trump azarahirira kuyobora USA ku ya 20 Mutarama 2017 mu muhango uzitabirirwa n’uwo bari bahanganye, Hillary Clinton n’abandi bahoze bayobora USA bakiri bazima, uretse ise wa George W. Bush utamerewe neza kubera izabukuru.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE