2017-11-22 08:52:40 clouds 27o High | Kigali Rwanda

Dukurikire:
 
 

Ababyeyi bashyiriweho uburyo bwo kumenya imyitwarire y’abana ku ishuri

Yanditswe na IMVAHO NSHYA

Kuya 2016-08-11 14:30:00

 
Share on:
 
Yasuwe:117
 
Yavuzweho:200
 
10
 
10

Ikigo “Smart Initiatives” gisanzwe gikora ibijyanye n’ikoranabuhanga kiratangaza cyatangije uburyo bushya buzafasha ababyeyi kumenya uko abana babo bitwara mu gihe baba bari ku ishuri batiriwe bajyayo kubareba.

Uburyo bwiswe “Smart parents” buzajya bukoresha mudasobwa zikorerwa mu Rwanda “Positivo” aho buri cyumba cy’ishuri kizajya kiba kirimo mudasobwa igakoreshwa n’umwalimu atanga amakuru y’imyitwarire ya buri mwana ku bayobozi b’ikigo yigamo ndetse bigahita binagera muri telefone y’umubyeyi we aho ari.

Umuyobozi w’ikigo cy’amashuri cya Lycée Notre Dame de Citeau cyatangirijwemo Smart parents, Soeur Nayituriki Helena avuga ko ubu buryo buje gufasha ababyeyi gukurikirana imyigire y’abana babo.

Ati “Izi mudasobwa zizafasha ababyeyi gukurikirana imyitwarire y’abana babo ku ishuri, niba umwana uwo munsi yitwaye nabi ukabibwira umubyeyi utiriwe ujya kumushakisha, bizajya bikorana n’ubutumwa bugufi bwo muri telephone. Amazina y’umwana n’imyirondoro ye bizajya biba biri muri mudasobwa, niba umwana asinzira cyangwa akubagana mu bundi buryo umwalimu azajya akanda mudasobwa bihite bigera ku barezi.”

Umuyobozi wa Smart Initiatives, Karasira Olivier yashyize ahagaragara ubu buryo avuga ko babitekereje mu rwego rwo gushaka icyo mu ikoranabuhanga bashobora gufasha Leta y’u Rwanda mu gukomeza guhangana n’ibibazo by’ingutu bivugwa mu burezi.

Yagize ati “Twabitekereje nyuma y’umwiherero w’abayobozi bakuru b’igihugu ubwo twumvaga umukuru w’igihugu agaruka cyane ku bana bava mu ishuri. Twibajije icyo twafasha ngo dutange inkunga? nyuma nibwo twahisemo gukora ubu buryo buzafasha ababyeyi kumenya imyitwarire y’abana bari ku ishuri.”

Karasira yemeza ko ubu buryo butazabangamira akazi ka mwalimu ko kwigisha kuko azajya atanga amakuru mu mwanya yajyaga akoresha n’ubundi atanga raporo nyuma y’isomo, uburyo bwa Smart parents Ikigo cy’igihugu gishinzwe Uburezi (REB).

Ubuyobozi bwa Smart initiatives butangaza ko ku ikubitiro ko ubu buryo buzahera ku bigo byigenga umubyeyi yishyura amafaranga y’u Rwanda 9000 ku mwaka ariko ngo harimo kurebwa n’uko ubu buryo bwagezwa mu bigo bya Leta bidatinze.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE