2017-10-22 09:15:58 clouds 27o High | Kigali Rwanda

Dukurikire:
 
 

 Leta ya Congo yemeje peteroli nyinshi muri parike ya Virunga

Yanditswe na Admin

Kuya 2015-11-09 13:30:21

 
Share on:
 
Yasuwe:62
 
Yavuzweho:200
 
10
 
10

 Parike ya Virunga ni imwe mu zimaze igihe ku Isi
Leta ya Repubulika Iharanira Demokarasi ya Congo ku wa Gatanu yatangaje ko muri Parike ya Virunga hari peteroli itaramenyakana ingano.

Minisitiri ushinzwe ingufu amazi n’ubucukuzi bwa Peteroli, Aime Ngoy Mukena yabwiye AFP ko ikigo cyo mu Bwongereza, SOCO cyakoze ubushakashatsi kigasanga munsi ya Parike y’Ibirunga harimo Peteroli kandi “ ko atari nke”.

Hari hashize igihe hari impaka ndende ku kuba Leta ya Congo yacukura peteroli muri parike ya Virunga, igizwe na kilometerokare 7800 mu ntara ya Kivu y’Amajyaruguru.

Mu mwaka ushize SOCO yari yatangaje ko ihagaritse ibikorwa byo gushakisha peteroli muri iyo Parike yagizwe umurage w’Isi na MONUSCO mu 1979 .

Muri Gicurasi 2015, Minisitiri w’Intebe wa Congo, Matata Ponyo yatangaje ko iyo sosiyete yemerewe gukora ubushakashatsi mu gace k’iyo parike kuko imipaka yayo yahinduwe.

Leta ya Congo yari yagaragaje ko ishaka gucukura peteroli muri Parike ya Virunga kuko ari amahirwe atagira uko asa yo kuvana icyo gihugu mu bukene.

Nyamara ababikurikiranira hafi bavuga ko gucukura iyo peteroli bishobora kongera umutekano muke muri ako gace kubera imitwe yitwaje intwaro izahita ihishora ishakamo imari.

Bantu Lukambo ukuriye umwe mu miryango yita ku bidukikije hafi ya parike ya Virunga yabwiye AFP ati” Leta niramuka icukuye iyo peteroli, ni urupfu kuri twe nta kundi.”

Kuri ubu Leta ya Congo ntiratangaza niba izacukura iyo peteroli, cyane ko imiryango iharanira ibidukikije itandukanye na Leta y’u Bwongereza bikomeje kubyitambikamo.

Ku rundi ruhande Minisiteri y’umutungo kamere y’u Rwanda MINIRENA nayo iherutse gutangaza ko ubushakashatsi bwakozwe mu myaka ishize bugaragaza ko hari ibimenyetso bigaragaza ko mu burengerazuba bw’u Rwanda haba hari Peteroli cyane cyane munsi

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE