2017-10-22 09:15:58 clouds 27o High | Kigali Rwanda

Dukurikire:
 
 

Ibyo Abarinzi b’Igihango bakoze byari kungora – Perezida Kagame

Yanditswe na Admin

Kuya 2015-11-09 09:11:45

 
Share on:
 
Yasuwe:135
 
Yavuzweho:200
 
10
 
10


Perezida Paul Kagame, asanga abarokotse Jenoside yakorewe Abatutsi mu Rwanda baragize ubutwari budasanzwe, cyane ko nyuma yo kwicirwa ababo bareba, bakomeje kugira intege zo kubaho ndetse bagira n’imbaraga zo gufasha abaturanyi.

Umukuru w’Igihugu yabivugiye i Kigali ku mugoroba wo ku ya 6 Ugushyingo 2015 mu ihuriro rya 8 ry’abagize Unity Club Intwararumuri hamwe n’abagize Guverinoma ndetse n’abayihozemo.

Perezida Kagame yahaye ishimwe Abarinzi b’Igihango batoranyijwe nk’abakoze ibikorwa by’indashyikirwa birimo kurokora abantu mu gihe cya Jenoside yakorewe Abatutsi mu mwaka wa 1994.

Yabashimiye ibikorwa bidasanzwe bakoze cyane ko bamwe banabikoze bafite ibikomere; ati “Mwagize umuhati utagira uko ungana”

Nyuma yo kumurikirwa Abarinzi b’Igihango no kumva ubuhamya bwa bamwe muri bo nka Josephine Murebwayire wakijije abana batandatu nyuma yo kwicirwa umuryango we wose ndetse akagira n’uruhare muri Gacaca no mu bumwe n’ubwiyunge, Perezida Kagame yashimangiye ko ibyo yumvise byose bidasanzwe ndetse avuga ko atizera ko byari gushoboka.

Ati “ Iyo numvise ibyo aba bantu, numva bitari gushoboka kugira ngo abantu bakwicire abawe bose babatsembe usigare wenyine wibuke kujya gukiza abandi, byari kungora. Njye numva bidasanzwe ni cyo mvugira nti wenda njye sinari kubishobora.”

Perezida Kagame yasabye Abanyarwanda gukomeza kugira ishyaka ryo guharanira kwita kuri buri munyarwanda atari ukwita ku nyungu z’umuntu ku giti cye, ukuri kugashyirwa imbere.

Ati “Imbaraga zo guhindura igihugu, zituruka ku ishyaka, ubutwari no kwiyemeza kutazongera kwemera kwicirwa abacu.’’

Abarinzi b’igihango 17 bahembwe abenshi bagize uruhare mu kurokora abantu muri Jenoside, kugira uruhare mu kunga abantu no komora ibikomere.

Si Abanyarwanda gusa kuko harimo n’abanyamahanga babiri bitanze mu gihe abandi basigaga ababahungiyeho bakitahira iwabo mu ndege.

Abo ni Andre Gatoyire, Silas Ntamfurigirishyari, Mgr Servilien Nzakamwita, Aaron Habumugisha,Boniface Mudenge, Padiri Ubald Rugirangoga, Padiri Stanisilas Obanike (Umunyapolonye uba mu Ruhango), Eros Banini, Padiri Marius Guillaume, Josephine Murebwayire, Mutezintare Gisimba Damas, Grace Uwamahoro, Aloys Uwemeyimana, Frederick Mpakibiriho, Callixte Kabera, Padiri Jerome Masinzi, Ramadhani Munyakazi.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE