19°C , Showers | Kigali-Rwanda
Depite Rwaka Pierre Claver ashyikiriza igikombe Bazubagira Claudine, kapiteni wa Bugesera

Sitting Volleyball: Gisagara na Bugesera zegukanye shampiyona ya 2019

Yanditswe na Nkomeje Guillaume

Ku ya 14-05-2019 saa 18:46:01

Ikipe y’Akarere ka Gisagara mu bagabo na Bugesera mu kiciro cy’abagore ni zo zegukanye igikombe cya shampiyona y’umukino wa Volleyball y’abafite ubumuga “Sitting Volleyball”, y’uyu mwaka w’imikino wa 2018-2019.

Iyi shampiyona yabaye mu byiciro 4 “Phase”, yitabirwa n’amakipe 16 y’abagabo na 10 y’abagore, yari yatangiye tariki 8 Ukuboza 2018, yasorejwe mu nzu y’imikino ya Komite y’igihugu y’imikino y’abafite ubumuga mu Rwanda “NPC-Rwanda”tariki 12 Gicurasi 2019.

Gisagara yaje kwegukana ikigikombe nyuma yo kwitwara neza itsinda Intwari za Gasabo bahora bahanganye amaseti 2 kuri 1, mu mukino wagombaga kugaragaza ikipe ya mbere muri shampiyona.

Iyi Gisagara ifite iki gikombe cy’umwaka ushize wa 2018, yahise iba iya mbere n’amanota 45, ikurikirwa na Gasabo n’amanota 43, Kicukiro iba iya 3 na 37.

Muri iki kiciro kandi, Rubavu ya 4 na 37, hakaza Musanze na Cottari zinganya 35, Karongi 33, Gicumbi na 32, Rusizi na 31, Rutsiro na 29, Ruhango na Ngoma zinganya amanita 23, Rulindo na Huye zinganya 17, Burera na 16 naho Nyamasheke ni iya nyuma (16) n’amanota16.

Mu bagore, Bugesera biyigoye nayo yaje kwegukana igikombe cya shampiyona nyuma y’uko itsinzwe na Gicumbi bari bahanganye amaseti 2-1. Iyi Bugesera yari ifite iki gikombe cy’umwaka ushize wa 2018, yasoje iri ku mwanya wa mbere n’amanota 25, ikurikirwa na Gicumbi banganya aya manota bagatandukanywa n’amaseti bazigamye.

Hazakandi, Gasabo na Nyarugenge zombie zifite amanota 23, Ruhango na 17, Gakenke na 15, Musanze na 14, Rulindo na 11, Rubavu na 11 naho Nyamasheke ni iya nyuma (10) n’amanota 8.

Perezida wa NPC-Rwanda, Murema Jean Baptiste yashimiye amakipe yabashije kwitabira iyi shampiyona. Yibukije abakinnyi b’ibyiciro byombi bakina mu makipe y’igihugu ko badakwiye kurekera kwitoza kuko bagomba kubikomeza mu rwego rwo kwitegura imikino y’igikombe cy’Afurika “Para Volley Africa Sitting Volleyball Championships” mu bagabo n’abagore izabera i Kigali muri Nzeri 2019.

Mu bihembo byatanzwe, ikipe ya mbere muri buri kiciro, yashyikirijwe igikombe giherekejwe n’imyambaro yo gukinana n’umupira umwe wo gukina, iya kabiri n’iya 3 zihabwa imyambaro yo gukinana n’umupira wo gukina.

Depite Rwaka Pierre Claver ashyikiriza igikombe Bazubagira Claudine, kapiteni wa Bugesera

Depite Mussolini Eugène ashyikiriza igikombe kapiteni n’umutoza ba Gisagara

TANGA IGITEKEREZO

Leave a Reply

Your email address will not be published. Required fields are marked *