2017-06-29 10:06:55 clouds 27o High | Kigali Rwanda

Dukurikire:
 
 

Uwikunda yagizwe umusifuzi mpuzamahanga, aba uwa 20 u Rwanda rufite ubu

Yanditswe na IMVAHO NSHYA

Kuya 2017-01-03 16:50:27

 
Share on:
 
Yasuwe:4
 
Yavuzweho:200
 
10
 
10

Ishyirahamwe ry’umupira w’amaguru ku isi “FIFA”, ku wa Mbere taliki 02 Mutarama 2017 yasohoye urutonde rw’abasifuzi mpuzamahanga barimo abo hagati n’abo ku mpande mu bagabo no mu bagore.

Ni urutonde rwagaragayeho Uwikunda Samuel, umusifuzi wo hagati wazamuwe ku rwego mpuzamahanga asimbuye Munyemana Hudu uzwi nka ‘’Nzenze’’ uheruka gusezera muri uyu mwuga.

Komisiyo y’abasifuzi y’u Rwanda ni yo yandikiye FIFA ibasaba ko Uwikunda, umaze iminsi yitwara neza, asimbura Munyemana nk’uko Kamanzi Emery ukuriye iyi komisiyo yabisobanuriye Imvaho Nshya.

Kamanzi yagize ati “Murabizi ko Hudu yasezeye, twebwe rero twasabye ko Uwikunda Samuel asimbura Hudu. Kuva rero twari dusanzwe dufite abantu batanu bo hagati, icyabaye ni uko badusubije umwanya wacu w’umuntu wavuyemo’’.

JPEG - 252 kb
Uwikunda wagizwe umusifuzi mpuzamahanga

Kamanzi yanemeje ko “Uwikunda Samuel yaramaze igihe yitwara neza muri shampiyona mu basifuzi batari mpuzamahanga, yari afite amanota meza mu mikino amaze iminsi asifura”.
Umuyobozi wa Komisiyo y’abasifuzi yanavuze ko FIFA yongeye mu basifuzi mpuzamahanga abanyarwandakazi babiri, Umutesi Alice wo ku ruhande na Umutoni Aline wo hagati.

Muri rusange u Rwanda rufite abasifuzi mpuzamahanga 20, barimo batanu basifura hagati mu bagabo ari bo Hakizimana Louis wavutse mu 1979 atangira gusifura ku rwego mpuzamahanga muri 2012, Ishimwe Jean Claude wo mu 1989 yagizwe mpuzamahanga muri 2015.

Hari kandi Ruzindana Nsoro wavutse mu 1989 agirwa mpuzamahanga muri 2016, Twagirumukiza Abdoul Karim wavutse mu 1985 atangira gusifura ku rwego mpuzamahanga muri 2013 na Uwikunda Samuel wo mu 1987 ugiye gutangira gusifura ku rwego mpuzamahanga uyu mwaka wa 2017.

Hari abasifuzi 7 bo ku ruhande mu bagabo. Abo ni Bwiliza Raymond, Hakizimana Ambroise, Karangwa Justin, Ndagijimana Theogene, Niyitegeka Jean-Bosco, Niyonkuru Zephanie na Simba Honore.

Hari abasifuzi batatu b’abagore bo hagati barimo Mukansanga Salima, Tuyishime Angelique na Umutoni Aline. Naho abo ku ruhande ni Ingabire Francine, Mukayiranga Regine, Murangwa Sandrine, Nyinawabari Speciose na Umutesi Alice.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE