Advertisement
 
 
 
 
 
 
 
 

Siporo | Siporo Mu Rwanda

Umusaruro n’imibereho bya Gicumbi FC bigiye guhinduka   

  Yanditswe na BIZIMANA ERIC
 3 months ago

 
 

Ubuyobozi bw’Akarere ka Gicumbi n’ubw’ikipe ya Gicumbi Fc buremeza ko imibereho n’umusaruro mubi iyi kipe ifite kuri ubu bugiye guhinduka ikava ku mwanya wa 15 n’amanota ane ku rutonde rwa shampiyona.

Ni nyuma y’uko muri Nzeli 2016, ubuyobozi bw’akarere ka Gicumbi bufatiye icyemezo cyo kwegurira abaturage bako imicungire n’imibereho y’ ikipe yabo.

Uyu mwanzuro wagize ingaruka zirimo igabanyuka ry’amafaranga iyi kipe yakoreshaga, aho ngo mu mezi ane ashize Gicumbi FC imaze gukoresha miliyoni 11(eshanu zitangwa na FERWAFA, eshatu z’akarere n’eshatu z’abaturage) mu gihe mu myaka ishize babaga bamaze gukoresha miliyoni zirenga 50 muri miliyoni 90 z’ ingengo y’imari mu myaka ishize .

JPEG - 150.2 kb
Abakinnyi ba Gicumbi FC

Mu buryo bugoranye abaturage ba Gicumbi babashije gutanga ibiribwa, abikorera bafatanya mu korohereza iyi kipe mu bijyanye n’ingendo ndetse banakusanya miliyoni eshatu z’ amafaranga y’u Rwanda.

Aha ntawakwirengagiza gutsindwa umusubirizo cyane ko iyi kipe yashatse abakinnyi baciriritse kandi bahawe ubushobozi buke.

Impamvu zatumye Gicumbi itangira yitwara nabi

Umunyamabanga mukuru wa Gicumbi FC Antoine Dukuzumuremyi wahaye aya makuru Imvaho Nshya, yemeza ko izi mpinduka zagoye abatari bake barimo n’ abakinnyi bakinaga batameze neza mu mutwe kuko biyumvishaga ko batazabona imishahara n’ibindi byose bakeneye.

Ati “Ikibazo cyari mu mitwe y’abakinnyi, kuba ikipe yari imenyereye ko ubushobozi buva mu karere, nyuma bikimurirwa mu mirenge nabwo ukabona ntibuboneka neza, byari ibintu bigoye kwakira.”

Dukuzumuremyi anagaragaza ko hari igihe cyageze bakajya babura ibiryo byo guha abakinnyi kuko abaturage batari babyumvise neza.

Imyumvire itangiye guhinduka, Politiki yamaze guhama

Mudaheranwa Juvenal, Umuyobozi w’Akarere ka Gicumbi yaraye ahamirije Imvaho Nshya ko iyi Politiki yo kwegurira Gicumbi FC abaturage itangiye kumvikana ndetse ikaba igiye gutanga umusaruro.

Yagize ati ’’Icyo abaturage bagomba gutanga birakorerwa ku gihe, nta kibazo cy’ubushobozi, nta kirarane tubafitiye, kandi urebye imbaraga tumaze iminsi dushyiramo, urabona ko inkunga iri kwiyongera kuruta mu minsi ishize, nubwo byadusabye imbaraga nyinshi.’’

Mudaheranwa avuga ko kuva ikipe itagifite ibibazo by’amikoro hagiye gukurikiraho kuvugurura uburyo ikipe icunzwe (Management) kugira ngo yitware neza inave mu makipe y’ inyuma.

Umunyamabanga mukuru w’iyi kipe Dukuzumuremyi, yemeza ko inkunga zitangwa zikomeje kuri uru rwego, ibibazo byose byahita birangira.

Yongeraho ko ’’Iyi kipe itazigera imanuka mu cyiciro cya kabiri, nubwo ifite amanota ane; imibereho yatangiye guhinduka ndetse n’umusaruro wo mu kibuga ukaba ugiye kuboneka.’’

 

Comments

 
 
Umutoza wa Rayon Sports aracyafite icyizere cyo gusezerera Rivers United
Umutoza wa Rayon Sports aracyafite icyizere cyo gusezerera Rivers United

Tariki 22-04-2017: Rayon Sports-Rivers United (Amahoro-15h30) Umukino ubanza: Rivers United 2-0 Rayon Sports Ikipe ya Rayon Sports yatsinzwe umukino ubanza n’ikipe ya Rivers United yo muri (...)

Nibabona ntarakoze neza, bazansezerere-Seninga
Nibabona ntarakoze neza, bazansezerere-Seninga

Umutoza mukuru wa Police FC, Seninga Innocent aravuga ko yagerageje kwitwara neza mu mwaka umwe yahawe w’amasezerano muri iyi kipe. Uyu mutoza yari yahawe amasezerano y’umwaka umwe tariki 17 (...)

Tugiye gukina n’ikipe idatsindirwa iwayo ariko ntitugiye gutsindwa - Masudi
Tugiye gukina n’ikipe idatsindirwa iwayo ariko ntitugiye gutsindwa - Masudi

Taliki 16-04-2017: Rivers United-Rayon Sports (Port Harcourt -17h00) Ku ya 22-04-2017: Rayon Sports-Rivers United (Amahoro-15h30) Ikipe ya Rayon Sports irahaguruka mu Rwanda uyu munsi taliki (...)

Rayon Sports yitwaga ikipe y’Abatutsi - Murenzi
Rayon Sports yitwaga ikipe y’Abatutsi - Murenzi

Murenzi Cassim, umwe mu bahoze bakinira Rayon Sports mbere ya Jenoside akanakomeza kuyikurikiranira hafi aravuga ko ibikorwa by’ivanguramoko byageze mu mupira w’amaguru bikibasira bikomeye Abatutsi (...)

Hagiye gukorwa ubushakashatsi bwo kumenya ‘abasportifs’ bazize Jenoside
Hagiye gukorwa ubushakashatsi bwo kumenya ‘abasportifs’ bazize Jenoside

Komite Olempike y’u Rwanda ifatanyije na Minisiteri y’umuco na Siporo “MINISPOC” ndetse na Komisiyo yo kurwanya Jenoside “CNLG” barimo gutegura ubushakashatsi bwa gihanga bwo kumenya imyirondoro (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.