Advertisement
 
 
 
 
 
 
 
 

Siporo | Siporo Mu Rwanda

Rayons Sports yamaganiye kure amakuru y’uko yacitsemo ibice   

  Yanditswe na IMVAHO NSHYA
 3 weeks ago

 
 

Umunyamabanga mukuru wa Rayon Sports FC, Gakwaya Olivier aranyomoza amakuru yasohotse mu itangazamakuru yemeza ko ubu mu bakinnyi ba Rayon Sports hacitsemo ibice bibiri.

Byavugwaga ko iyi kipe yacitsemo ibice kubera icyemezo cy’ubuyobozi cyo guhemba abakinnyi 18 gusa bazakina na Kirehe FC abandi ntibahembwe cyangwa ngo bahabwa agahimbazamusyi k’imikino ibiri iheruka.

Gakwaya yatangaje ko ubuyobozi bwa Rayon Sports bubabazwa n’uko abatangaje ayo makuru badafite gihamya na gito.

Ati “ Ni amakuru adafite gihamya y’ibinyoma tutanishimiye kubona umuntu atanga inkuru imeze kuriya atahagazeho adafitiye ibimenyetso. Kuvuga ko abakinnyi bacitsemo ibice iriya ni inkuru idatanga ubutumwa bwiza kandi adafite ukuri niyo mpamvu byatubabaje.”

JPEG - 50.3 kb
Gakwaya Olivier umunyamabanga mukuru wa Rayon Sports
JPEG - 50.3 kb
Gakwaya Olivier umunyamabanga mukuru wa Rayon Sports

Yunzemo ati ” Ni ikibazo cy’amabanki cyatumye abakinnyi bose batayabonera rimwe kuko hari abayabonye nimugoroba abandi bayabona mu gitondo ntawarengeje saa yine atarayabona rero byatewe n’amabanki kuko yose ntabwo yihutisha kimwe.

“Abakinnyi ubu bameze neza ubungubu banageze i Kirehe biteguye umukino mu kanya bafite imyitozo nanakangurira abakunzi ba Rayon Sports bose kuza gushyigira ikipe yabo tugasoza umwaka dutsinda.”

Uyu muyobozi yavuze ko nta birarane ikipe ifitiye abakinnyi kuko ngo ukwezi kwa Rayon Sports kurangira tariki ya 17 bityo ngo hari harenzeho gusa iminsi 12

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Espoir FC yaguze umukinnyi ukomoka muri Cameroun
Espoir FC yaguze umukinnyi ukomoka muri Cameroun

Ikipe ya Espoir FC yo mu Karere ka Rusizi yamaze gusinyisha rutahizamu ukomoka muri Cameroun witwa Akono Isidore Olivier wakiniraga ikipe ya Soana FC yo muri Uganda. Umutoza wa Espoir FC, (...)

Police FC: Seninga ahangayikishijwe no kubura kapiteni we
Police FC: Seninga ahangayikishijwe no kubura kapiteni we

Umutoza mukuru wa Police FC, Seninga Innocent aravuga ko ahangayikishijwe bikomeye no kubura kapiteni Twagizimana Fabrice bakunze kwita “Ndi ku kazi’’ wavunikiye bikomeye ku mukino Police FC (...)

Muganza yasinyiye gukinira Kiyovu amezi atandatu
Muganza yasinyiye gukinira Kiyovu amezi atandatu

Muganza Isaac waciye mu makipe atandukanye hano mu Rwanda yamaze gusinyira kuzakinira ikipe ya Kiyovu Sports amezi 6 ashobora kuzongerwa bitewe n’uko azitarwa. Uyu musore agiye muri Kiyovu (...)

Abakunzi ba Mukura basabye ko hatumizwa inteko rusange igitaraganya
Abakunzi ba Mukura basabye ko hatumizwa inteko rusange igitaraganya

Bashingiye ku musaruro mubi n’umwuka utari mwiza mu ikipe yabo, abakunzi ba Mukura VS bemeje ko bagiye gusaba Perezida w’ikipe yabo agatumiza inama y’inteko rusange idasanzwe yo gucoca ibi bibazo. (...)

Umutoza wa Kiyovu  yavuze impamvu ikipe ye ititwara  neza kuri buri mukino
Umutoza wa Kiyovu yavuze impamvu ikipe ye ititwara neza kuri buri mukino

Nyuma y’uko ikipe ya Kiyovu yitwaye neza igatsinda AS Kigali ibitego 2-1mu mukino w’umunsi wa 13 wa shampiyona, umutoza Kanamugire Aloys yagize icyo atangaza kuri iyi kipe itsinda umukino umwe (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.