2017-07-21 15:11:36 clouds 27o High | Kigali Rwanda

Dukurikire:
 
 

Rayon Sports ikomeje kwanikira APR FC

Yanditswe na IMVAHO NSHYA

Kuya 2017-01-09 06:17:46

 
Share on:
 
Yasuwe:17
 
Yavuzweho:200
 
10
 
10

Ku wa Gatanu: Kiyovu 1-2 Espoir FC
Ku wa Gatandatu: APR FC 0-1 AS Kigali, Bugesera FC 0-0 Kirehe FC, Amagaju 1-0 Musanze FC, Police FC 2-1Sunrise FC
Ejo hashize:Rayon Sports 3-1 Pepiniere FC, Gicumbi FC 1-0 Mukura VS, Marines FC1-2 Etincelles FC

Rayon Sports iyoboye urutonde rwa shampiyona ikomeje gusiga APR FC ya kabiri intera y’amanota atanu nyuma y’uko itsinze Pepiniere FC ibitego 3-1 nyuma y’umukino wabaye ejo hashize taliki 8 Mutarama 2017 kuri Sitade ya Kigali.

JPEG - 220.9 kb
Abakinnyi b’ikipe ya Rayon Sports bishimira igitego cya gatatu bari bamaze gutsinda

Mu mukino w’umunsi wa 12 shampiyona y’umupira w’amaguru y’icyiciro cya mbere yakomezaga, ikipe ya Rayon Sports yatsinze Pepiniere FC ibitego 3-1 ibifashijwemo na Moussa Camara watsinze ibitego 2, Nahimana Shasiir atsinda icya gatatu naho Pépinière yatsinze kimwe umupira ugiye kurangira.

Ku rundi ruhande ikipe ya APR FC itozwa na Jimmy Mulisa yatakaje umukino wa mbere muri shampiyona y’uyu mwaka nyuma yo gutsindwa na AS Kigali igitego 1-0, byayongereye igitutu kuko hagati y’aya makipe yombi atandukanwa n’inota rimwe.

Gutakaza amanota kuri APR FC byatumye Rayon Sports yiha icyizere cyo kuguma ku mwanya wa mbere iriho mu gihe habura umukino umwe wa shampiyona ngo aya makipe ahure.

Mu yindi mikino yabaye ejo hashize, Gicumbi FC yatsinze Mukura VS igitego1-0 naho Marines FC yatsinzwe na Etincelles FC ibitego 2-1.

Kugeza ubu Rayon Sports iyoboye urutonde n’amanota 32 ikurikiwe na APR FC n’amanota 27, AS Kigali n’amanota 26 naho Pepiniere iri ku mwanya wa nyuma n’inota rimwe.

Rutahizamu wa Rayon Sports Nahimana Shassir watsinze igitego cya 11, ayoboye abandi arusha Usengimana Danny wa Police FC igitego kimwe aho afite ibitego 10.

JPEG - 220.9 kb
Abakinnyi b’ikipe ya Rayon Sports bishimira igitego cya gatatu bari bamaze gutsinda

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE