2017-08-18 19:28:21 clouds 27o High | Kigali Rwanda

Dukurikire:
 
 

Perezida Kagame yahuye n’abana b’Abanyarwanda bakina i Burayi

Yanditswe na IMVAHO NSHYA

Kuya 2017-06-12 07:24:30

 
Share on:
 
Yasuwe:597
 
Yavuzweho:200
 
10
 
10

Perezida w’u Rwanda, Paul Kagame yahuye n’abana b’abanyarwanda bari mu mashuri atandukanye y’umupira w’amaguru ku mugabane w’ u Burayi ubwo yari mu ruzundiko rw’akazi yagiriye mu Bubiligi aho yaganiriye n’Abanyarwanda barenga ibihumbi bibiri mu mu mujyi wa Ghent muri “Rwanda Day”.

Nyuma y’uyu muhango wabaye ku wa Gatandatu taliki 10 Kamena 2017, Perezida Kagame yaganiriye mu buryo bwihariye n’abana bakomoka ku babyeyi b’abanyarwanda bafite impano zo gukina umupira w’amaguru.

Nk’uko tubikesha urubuga rw’ishyirahamwe ry’umupira w’amaguru mu Rwanda “FERWAFA”. Nzamwita Vincent De Gaule, umuyobozi wa FERWAFA agaragaza ko nyuma ya “Rwanda Day” basabye umukuru w’igihugu kubonana n’aba bana akanaganira n’imiryango yabo.

JPEG - 374.7 kb
Perezida w’u Rwanda, Paul Kagame n’umuyobozi wa FERWAFA, Nzamwita bari kumwe n’abana b’Abanyarwanda biga mu mashuri y’umupira w’amaguru ku mugabane w’u Burayi

Nzamwita yerekanye ko Perezida Kagame yasabye ko aba bana bakurikiranwa kugira ngo abafite ubuhanga bazabashe gukinira ikipe y’ighugu. Ati ’’Twemeje ko hagiye gukorwa urutonde n’imyirondoro by’aba bana bakina i Burayi ku buryo tuzabasha kujya tubakurikirana buri gihe tukanabifashisha mu ikipe y’igihugu y’abato mu byiciro bitandukanye’’.

Uyuyobozi wa FERWAFA yavuze ko aba bana bazaza mu Rwanda mu Kuboza 2017 aho bazakina n’abana bakina mu mashuri y’umupira yo mu Rwanda bizatume babasha kumenya no gukunda igihugu cyabo kurushaho kuko bavukiye hanze.

BIZIMANA ERIC

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE