Advertisement
 
 
 
 
 
 
 
 

Siporo | Siporo Mu Rwanda

Mukura VS: Okoko arashinja abakinnyi be gusuzugura imikino imwe n’imwe   

  Yanditswe na BIZIMANA ERIC
 3 months ago

 
 

Umutoza w’ikipe ya Mukura aravuga ko abakinnyi bayo bamaze kumva ko ari ’’abasitari’’ bakina bashaka kwigaragaza no kwigurisha gusa ku mikino ikomeye cyane cyane uwa ’’Rayon Sports’’ bagasuzugura amakipe yoroshye.

Ibi arabivuga nyuma y’umusaruro mubi uri muri iyi kipe y’i Huye imaze iminsi itsindwa cyangwa se ikanganya n’imikino y’amakipe y’inyuma ku rutonde yayirushije bigaragara nyamara ikagaragaza kwihagararaho mu mikino y’amakipe akomeye.

Abakurikiranira hafi bo bavugaga ko kuba Mukura iri ku mwanya wa 11 n’amanota 13, bifite aho bihuriye n’ibibazo byavuzwe mu buyobozi bwa Mukura mu ntangiriro za shampiyona.

JPEG - 138.5 kb
Okoko arashinja abakinnyi be gusuzugura amakipe mato akaba ari yo mpamvu ubu iyi kipe itarimo kwitwara neza

Ku mutoza Okoko, ikibazo nyamukuru kiri ku bakinnyi b’iyi kipe bamaze kuba abasitari aha agafatira urugero ku kiruhuko yabahaye cy’iminsi y’ubunani ariko abakinnyi bakomoka i Burundi barimo Ndayishimiye Christophe, Cyiza Hussein baza habura iminsi ibiri ngo ikipe ijye gukina na Gicumbi FC.

Okoko yagize ati “Byinshi bifatiye ku bakinnyi, babaye abasitari, umuntu umuha ikiruhuko ukamubwira ngo ni iminsi ibiri akamara iminsi ine’’.

Yunzemo ati “Umwaka ushije nagize ibibazo n’abakinnyi, bavuga ko umutoza ari we mubi, ubu rero ni ugushaka uko twacunga abakinnyi, gusa kubacunga kuri ubu ni ukuvunika. Abakinnyi benshi ni abasitari, batangiye gusoza shampiyona yabo. Ngomba kugerageza gushaka abandi bakinnyi bakiri bato’’.

Okoko yanashimangiye ko abakinnyi be basigaye bakina bashaka kwigaragaza ku mikino y’amakipe akomeye.

Ati “Ibyo ndimo mbona muri iyi kipe ntibinshimishije kuko turahembwa, byose turabifite ariko mu kibuga wapi. Imikino ikomeye turayikina, ni ukuvuga ya yindi yo kwiyerekana naho imikino mito yo gutsinda turayitakaza reba twatakaje Gicumbi, Marines, Etincelles, twa tundi duto, naho APR FC ni yo yonyine yadutsinze mu mikino ikomeye’’.

Umutoza Okoko yemeza kandi ko nta mugabo uta urugamba, ahubwo agomba gushaka igisubizo nyuma y’ibiganiro azagirana n’abakinnyi hamwe na komite aho ngo byaba ngombwa akaba yagura abandi bakinnyi.

 

Comments

 
 
Umutoza wa Rayon Sports aracyafite icyizere cyo gusezerera Rivers United
Umutoza wa Rayon Sports aracyafite icyizere cyo gusezerera Rivers United

Tariki 22-04-2017: Rayon Sports-Rivers United (Amahoro-15h30) Umukino ubanza: Rivers United 2-0 Rayon Sports Ikipe ya Rayon Sports yatsinzwe umukino ubanza n’ikipe ya Rivers United yo muri (...)

Nibabona ntarakoze neza, bazansezerere-Seninga
Nibabona ntarakoze neza, bazansezerere-Seninga

Umutoza mukuru wa Police FC, Seninga Innocent aravuga ko yagerageje kwitwara neza mu mwaka umwe yahawe w’amasezerano muri iyi kipe. Uyu mutoza yari yahawe amasezerano y’umwaka umwe tariki 17 (...)

Tugiye gukina n’ikipe idatsindirwa iwayo ariko ntitugiye gutsindwa - Masudi
Tugiye gukina n’ikipe idatsindirwa iwayo ariko ntitugiye gutsindwa - Masudi

Taliki 16-04-2017: Rivers United-Rayon Sports (Port Harcourt -17h00) Ku ya 22-04-2017: Rayon Sports-Rivers United (Amahoro-15h30) Ikipe ya Rayon Sports irahaguruka mu Rwanda uyu munsi taliki (...)

Rayon Sports yitwaga ikipe y’Abatutsi - Murenzi
Rayon Sports yitwaga ikipe y’Abatutsi - Murenzi

Murenzi Cassim, umwe mu bahoze bakinira Rayon Sports mbere ya Jenoside akanakomeza kuyikurikiranira hafi aravuga ko ibikorwa by’ivanguramoko byageze mu mupira w’amaguru bikibasira bikomeye Abatutsi (...)

Hagiye gukorwa ubushakashatsi bwo kumenya ‘abasportifs’ bazize Jenoside
Hagiye gukorwa ubushakashatsi bwo kumenya ‘abasportifs’ bazize Jenoside

Komite Olempike y’u Rwanda ifatanyije na Minisiteri y’umuco na Siporo “MINISPOC” ndetse na Komisiyo yo kurwanya Jenoside “CNLG” barimo gutegura ubushakashatsi bwa gihanga bwo kumenya imyirondoro (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.