Advertisement
 
 
 
 
 
 
 
 

Siporo | Siporo Mu Rwanda

Migi yemeje ko “Haruna” yubashywe kuruta abandi muri ruhago ya Tanzania   

  Yanditswe na BIZIMANA ERIC
 3 months ago

 
 

Mugiraneza Jean Baptiste “Migi”, umukinnyi mushya w’ikipe ya Gor Mahia yo muri Kenya yavuze ko mu myaka ibiri yakinye muri Tanzania, yaje kubona ko Haruna Niyonzima, kapiteni wa Yanga Africans n’Amavubi ari we mukinnyi wubashywe kuruta abandi.

Ibi Migi yabigarutseho ubwo yagarukaga ku buzima bw’imyaka ibiri yabayeho muri Tanzania ari mu ikipe ya Azam FC bwaranzwe no guhangana n’amakipe y’abakeba ya Yanga na Simba.

Migi yavuze ko Tanzania ari ahantu haba umupira urimo guhangana cyane bikaba umwihariko ku ikipe igiye guhura na Yanga cyangwa se Simba, aho ngo iyo uwitwayemo neza ugororerwa by’iteka naho wakwitwara nabi bakagushinja kurya ruswa.

JPEG - 95.5 kb
Mugiraneza Jean Baptiste usanzwe akinira n’ikipe y’igihugu Amavubi ngo yiteguye guhanganira umwanya uhoraho muri Gor Mahia

Avuga kuri aya makipe, Migi yagize ati “Azam yari ikipe nto imaze imyaka ine gusa utagereranya na za Simba na Yanga, hakabamo umwihariko w’uko abayobozi hafi ya bose ba Azam FC unashyizemo n’umuyobozi mukuru bafana Simba, ubwo duhita tuba abakeba ba Yanga gutyo’’.

Yungamo ati “Tanzania ni ahantu bakunda umupira, hahandi ukinira imbere y’abantu benshi. Ni yo wajyayo uri umuswa, ugakina neza wahuye na Yanga cyangwa na Simba bihita biguha izina, ayo makipe akakurwanira. Wakina nabi uba ushobora kwirukanwa utamaze n’ukwezi, iyo ukoze agakosa gatuma mutsindwa, yaba umutoza cyangwa umuyobozi bahita bavuga ngo wariye ruswa’’.

Migi yakomeje kandi yemeza ko Haruna Niyonzima wa Yanga ari we mukinnyi ukomeye yabonye wubashywe muri Yanga bishingiye ku buhanga bwe.

Azam FC ni yo kipe ya mbere nziza yo mu karere

Migi ashimangira ko Azam ari yo kipe ya mbere nziza mu makipe yose yo mu Karere k’Afrika y’i Burasirazuba bijyanye n’ubuzima abakinnyi bayo babayemo.

Ati “Azam ni ikipe ifite buri cyose umukinnyi akenera. Mbere yo gutangira imyitozo ni itegeko ko abakinnyi muhurira ku ifunguro rya mugitondo, saa sita mukarya, wabishaka ukajya mu cyumba cyawe ukaruhuka. Ni ikipe umukinnyi afite imodoka, inzu , abakinnyi bashya bafite abashoferi n’abakozi bo mu rugo. Ni ikipe ihembera ku gihe igahemba menshi kuko umukinnyi wa make ahembwa ibihumbi bibiri naho uwa menshi agahembwa 8 ariko njye nagiyeyo bampa ibihumbi 3 ntacyo byari bintwaye’’.

Ubuzima bushya muri Gor Mahia

Migi uri ku rutonde rw’abakinnyi ba Gor Mahia bagiye kwitegura shampiyona muri Sudani avuga ko atigeze agorwa n’ubuzima bw’i Nairobi kuko yahasanze abakinnyi babanye mu Rwanda barimo Nizigiyimana, Jacques Tuyisenge na Kagere Meddy. Migi yanzuye avuga ko nk’uko yabonye umwanya uhoraho n’ibihe byiza muri Azam azabiharanira no muri Gor Mahia.

 

Comments

 
 
Umutoza wa Rayon Sports aracyafite icyizere cyo gusezerera Rivers United
Umutoza wa Rayon Sports aracyafite icyizere cyo gusezerera Rivers United

Tariki 22-04-2017: Rayon Sports-Rivers United (Amahoro-15h30) Umukino ubanza: Rivers United 2-0 Rayon Sports Ikipe ya Rayon Sports yatsinzwe umukino ubanza n’ikipe ya Rivers United yo muri (...)

Nibabona ntarakoze neza, bazansezerere-Seninga
Nibabona ntarakoze neza, bazansezerere-Seninga

Umutoza mukuru wa Police FC, Seninga Innocent aravuga ko yagerageje kwitwara neza mu mwaka umwe yahawe w’amasezerano muri iyi kipe. Uyu mutoza yari yahawe amasezerano y’umwaka umwe tariki 17 (...)

Tugiye gukina n’ikipe idatsindirwa iwayo ariko ntitugiye gutsindwa - Masudi
Tugiye gukina n’ikipe idatsindirwa iwayo ariko ntitugiye gutsindwa - Masudi

Taliki 16-04-2017: Rivers United-Rayon Sports (Port Harcourt -17h00) Ku ya 22-04-2017: Rayon Sports-Rivers United (Amahoro-15h30) Ikipe ya Rayon Sports irahaguruka mu Rwanda uyu munsi taliki (...)

Rayon Sports yitwaga ikipe y’Abatutsi - Murenzi
Rayon Sports yitwaga ikipe y’Abatutsi - Murenzi

Murenzi Cassim, umwe mu bahoze bakinira Rayon Sports mbere ya Jenoside akanakomeza kuyikurikiranira hafi aravuga ko ibikorwa by’ivanguramoko byageze mu mupira w’amaguru bikibasira bikomeye Abatutsi (...)

Hagiye gukorwa ubushakashatsi bwo kumenya ‘abasportifs’ bazize Jenoside
Hagiye gukorwa ubushakashatsi bwo kumenya ‘abasportifs’ bazize Jenoside

Komite Olempike y’u Rwanda ifatanyije na Minisiteri y’umuco na Siporo “MINISPOC” ndetse na Komisiyo yo kurwanya Jenoside “CNLG” barimo gutegura ubushakashatsi bwa gihanga bwo kumenya imyirondoro (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.