2017-10-22 09:15:58 clouds 27o High | Kigali Rwanda

Dukurikire:
 
 

Gatera Alphonse yagizwe umutoza mushya wa Sunrise FC

Yanditswe na IMVAHO NSHYA

Kuya 2017-07-27 08:41:59

 
Share on:
 
Yasuwe:278
 
Yavuzweho:200
 
10
 
10

Gatera Alphonse wigeze gutoza Espoir FC yamaze kugirwa umutoza mushya wa Sunrise FC asimbuye Casa Mbugo Andre.

Uyu mutoza yahawe amasezerano y’umwaka umwe ashobora kongerwa mu gihe yaba yitwaye neza nk’uko Habineza Longin, Visi Perezida wa Sunrise FC yabibwiye Imvaho Nshya.

Habineza yagize ati “Twamusabye kugeza ikipe ku mwanya mwiza, dutwaye igikombe byaba byiza, byaba na byiza tuje mu makipe ane ya mbere. Ni zo nshingano afite’’.

JPEG - 91.2 kb
Gatera Alphonse wagizwe umutoza wa Sunrise FC

Yavuze ko bahisemo uyu mutoza bashingiye ku byo yabasubije mu kizamini no ku bunararibonye afite.

Ati ’’Ni umutoza ubishoboye n’amateka ye birajyanirana ku bushobozi bwe. Ikindi twabanje kumubaza, tumuha ikizamini atubwira icyo atekerekeza ku ikipe yacu naho yayigeza twumva ari ibintu bitunyuze”.

Uyu muyobozi yaboneyeho guhishura ko bahamagaje abandi batoza benshi ntibaza ku itariki bari bahawe. Aba barimo na Casa Mbongo Andre wahoze atoza iyi kipe wanze kwirirwa yitabira ikizamini.

Ku rundi ruhande, Imvaho Nshya yavuganye na Gatera Alphone isanga ataramenyeshwa ko ari we watoranyijwe ariko ayibwira ko bishimishije kubona agirirwa iki cyizere.

Gatera yagize ati ’’Twaravuganye, bari bambwiye ko babyemeza ku wa Mbere, haziramo ibyo kwamamaza. Baraza kumpamagara babimbwire’’.

Yakomeje agira ati ’’Mbere yo kuvuga ngo nzabageza aha biransaba ko mbanza kubona ikipe, Sunrise FC sinakunze kuyikurikirana ngo menye abakinnyi bayo kandi hari n’abagiye. Biransaba ko mbanza nkamenya abakinnyi. Nibabanyereka nkabamenya ni bwo nzavuga ngo nzabageza aha n’aha’’.

Gatera Alphonse wakinnye umupira ari myugariro i Burundi ndetse no mu Rwanda mu makipe nka Rayon Sports na APR FC, yabaye umutoza wungirije muri Police FC nyuma ajya muri Mukura yungiriza Kaze Cedrick.

Muri 2014, Gatera yagizwe umutoza wa Espoir FC ayifasha kuguma mu cyiciro cya mbere ndetse umwaka wa 2015-216 ayigeza muri ½ mu gikombe cy’Amahoro, nyuma aza gusimburwa na Ndayizeye Jimmy.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE