2017-08-18 19:28:21 clouds 27o High | Kigali Rwanda

Dukurikire:
 
 

Amavubi yazamutseho imyanya 8 ku rutonde rwa FIFA

Yanditswe na IMVAHO NSHYA

Kuya 2017-08-11 04:51:30

 
Share on:
 
Yasuwe:173
 
Yavuzweho:200
 
10
 
10

Ikipe y’u Rwanda yazamutseho imyanya 8 aho yavuye ku mwanya wa 127 ikagera ku mwanya wa 119 ku isi na 35 muri Afurika ku rutonde ngarukakwezi rwa FIFA rwasohotse ku ya 10 Kanama 2017.

Ubwo uru rutonde rwaherukaga gusohoka tariki 06 Nyakanga 2017, u Rwanda rwari ku mwanya wa 127 ku isi na 36 muri Afurika.

Muri Afurika muri rusange Misiri n’ubwo yasubiye inyuma ho umwanya umwe ni yo iyoboye ikaza ku mwanya wa 25 ikurikiwe na RDC (28) yasimbuye Senegal (31) yasubiye inyuma ho imyanya 4. Ku mwanya wa 4 hari Tunizia (34) naho ku mwanya wa 5 hari Cameroun (35).

JPEG - 166.7 kb
Ikipe y’igihugu , Amavubi

Mu karere ka Afurika y’u Burasirazuba, Uganda iracyaza imbere aho iri ku mwanya wa 73 ku isi , Kenya (82), u Rwanda (119), Tanzania na Ethiopia (120), u Burundi (132),South Sudan (148), Sudan(152), Djibouti (192), Eritrea na Somalia (206).

Ikipe yazamutse cyane ku rutonde ni Namibia yazamutseho imyanya 20 aho yavuye ku mwanya wa 156 ikagera ku mwanya wa 136 naho iyamanutse cyane ni Curacao (18) aho yavuye kuri 68 igera kuri 86.

Muri rusange, Brazil irayoboye hakaza u Budage (2), Argentine (3), u Busuwisi (4), Pologne (5), Portugal (6), Chili (7), Colombia (8), Belgique (9) n’u Bufaransa (10).

BUGINGO FIDELE

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE