2017-08-18 19:28:21 clouds 27o High | Kigali Rwanda

Dukurikire:
 
 

Abasifuzi b’i Burundi no muri Sudani ni bo bazasifurira u Rwanda na Uganda

Yanditswe na IMVAHO NSHYA

Kuya 2017-08-04 10:44:43

 
Share on:
 
Yasuwe:82
 
Yavuzweho:200
 
10
 
10

Abasifuzi bakomoka i Burundi ndetse no muri Sudani ni bo bemejwe n’impuzamashyirahamwe y’umupira w’amaguru muri Afurika “CAF” kuzasifura imikino izahuza u Rwanda na Uganda mu gushaka itike ya CHAN 2018.

CAF ivuga ko Abarundi Ndabihawenimana Pacifique, Baguma Gustave, Habimana Willy na Gatogato Georges bazasifura umukino ubanza uzahuza Uganda n’ikipe y’u Rwanda mu gushaka itike CHAN 2018, umukino uzabera kuri Sitade ya St Mary’s Kitende tariki 12 Kanama 2017.

Komiseri w’uyu mukino akaba ari Mohamed Omar Abubaker Yusuf ukomoka muri Kenya.

JPEG - 204.6 kb
Ndabihawenimana Pacifique uzayobora umukino ubanza uzahuza Uganda n’u Rwanda mu gushaka itike ya CHAN 2018

Umukino wo kwishyura uzabera kuri Sitade ya Kigali i Nyamirambo tariki 19 Kanama 2017 uzasifurwa n’abasifuzi bakomoka muri Sudani ari bo Hafiz Abdelghani Alamen uzaba ari umusifuzi wo hagati akazaba yungirijwe na Haitham Elnour Ahmed, Omer Hamid Mohamed Ahmed naho Elsiddig Mohamed Eltreefe akaba umusifuzi wa 4.

Komiseri w’umukino akaba ari Charles Samuel Kafatia ukomoka muri Malawi.

Aya makipe yombi akaba akomeje imyiteguro aho yifuza kwitwara neza kugira ngo azabone itike yo kwitabira CHAN 2018. Uganda yageze muri iki cyiciro cya nyuma isezereye Sudani ku bitego 5-1 naho u Rwanda rusezerera ikipe ya Tanzania ku gitego 1-1 mu mikino yombi.

Ikipe y’u Rwanda imaze kwitabira CHAN inshuro 2 (2011 na 2016), ikaba itarabashije kwitabira iri rushanwa ubwo ryatangira ku nshuro ya mbere muri 2009 (Cote d’Ivoire) ndetse no muri 2014 (Afurika y’Epfo) naho Uganda imaze kwitabira CHAN inshuro 3 yikurikiranya (2011,2014 na 2016).

BUGINGO FIDELE

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE