Advertisement
 
 
 
 
 
 
 
 

Siporo | Siporo Mu Rwanda

Abanyamuryango ba Kiyovu Sports bakusanyije miliyoni 2 zo kugura rutahizamu   

  Yanditswe na BIZIMANA ERIC
 2 weeks ago

 
 

Abanyamuryango b’ikipe ya Kiyovu Sports bakusanyije miliyoni ebyiri muri eshatu zikenewe kugura rutahizamu wo kongerera imbaraga iyi kipe.

Ibi byabereye mu nama y’abanyamuryango yateranye ku wa Mbere taliki 02 Mutarama 2017 yo kwifurizanya umwaka mushya muhire wa 2017, gusobanurirwa impamvu Kiyovu yemeje politike yo gukinisha abana bakiri bato no gukusanya inkunga yo kugura rutahizamu wo kumenyereza aba bana nk’uko byasobanuwe na Minani Hemedi, uyobora abafana ba Kiyovu.

Umutoza mukuru, Kanamugire Aloys yeretse abanyamuryango ba Kiyovu ko barimo bubaka Kiyovu Sports y’igihe kirekire anagaragaza ikibazo yahuye nacyo cyo kutagira umukinnyi wereka urugero aba bana.

Ati “Icyari kigambiriwe ni ukubona abakinnyi bakiri bato, bafite ubushobozi , umuntu yakubakiraho. Mu gusuzuma duhereye ku mikino ya mbere twakinnye, twabonye ko hari icyo kibazo cyo kubura rutahizamu wazadufasha naho ubundi impande zacu tumaze kuzubaka, zimeze neza icyari gisigaye ni ukubona uwo mukinnyi w’inararibonye kugira ngo abakinnyi bato dufite bamurebereho’’.

JPEG - 176.9 kb
Umutoza mukuru wa Kiyovu, Kanamugire Aloys yatangaje ko akeneye rutahizamu wo gufasha abakinnyi bakiri bato afite

Nyuma yo kunyurwa n’ibisobanuro abanyamuryango bahise bafata icyemezo cyo gukusanya miliyoni ebyiri zo kugura uwo rutahizamu. Minani Hemedi uyobora abafana, avuga ko iyi nama yatumye abantu bumva kiwe n’abatanyuzwe bakabaza komite n’umutoza.

Hemedi ati “Abantu nibareke gukomeza gutega Kiyovu iminsi, ngo iyi ntyiyatsida iyi, kandi bigakorwa n’abakabaye batanga ibyo bisubizo. Mu guhamagaza iyi nama byongeye gutanga icyizere ku mutoza Kanamugire Aloys ko atari wenyine n’abayobozi babona ko batari bonyine’’.

Hemedi avuga ko kuri ubu nta mufana wa Kiyovu ugifite indwara yo gutekereza ko umuntu uzaza muri komite ari wa muntu wo kubagurira abakinnyi, ahubwo abafana bose bamaze kubona uruhare rwabo mu kubaka Kiyovu.

Visi Perezida wa Kiyovu, Hakizimana Prosper agaragaza ko babonye ko abafana ba Kiyovu bumvishe uruhare bafite mu kwiyubakira ikipe yabo.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Espoir FC yaguze umukinnyi ukomoka muri Cameroun
Espoir FC yaguze umukinnyi ukomoka muri Cameroun

Ikipe ya Espoir FC yo mu Karere ka Rusizi yamaze gusinyisha rutahizamu ukomoka muri Cameroun witwa Akono Isidore Olivier wakiniraga ikipe ya Soana FC yo muri Uganda. Umutoza wa Espoir FC, (...)

Police FC: Seninga ahangayikishijwe no kubura kapiteni we
Police FC: Seninga ahangayikishijwe no kubura kapiteni we

Umutoza mukuru wa Police FC, Seninga Innocent aravuga ko ahangayikishijwe bikomeye no kubura kapiteni Twagizimana Fabrice bakunze kwita “Ndi ku kazi’’ wavunikiye bikomeye ku mukino Police FC (...)

Muganza yasinyiye gukinira Kiyovu amezi atandatu
Muganza yasinyiye gukinira Kiyovu amezi atandatu

Muganza Isaac waciye mu makipe atandukanye hano mu Rwanda yamaze gusinyira kuzakinira ikipe ya Kiyovu Sports amezi 6 ashobora kuzongerwa bitewe n’uko azitarwa. Uyu musore agiye muri Kiyovu (...)

Abakunzi ba Mukura basabye ko hatumizwa inteko rusange igitaraganya
Abakunzi ba Mukura basabye ko hatumizwa inteko rusange igitaraganya

Bashingiye ku musaruro mubi n’umwuka utari mwiza mu ikipe yabo, abakunzi ba Mukura VS bemeje ko bagiye gusaba Perezida w’ikipe yabo agatumiza inama y’inteko rusange idasanzwe yo gucoca ibi bibazo. (...)

Umutoza wa Kiyovu  yavuze impamvu ikipe ye ititwara  neza kuri buri mukino
Umutoza wa Kiyovu yavuze impamvu ikipe ye ititwara neza kuri buri mukino

Nyuma y’uko ikipe ya Kiyovu yitwaye neza igatsinda AS Kigali ibitego 2-1mu mukino w’umunsi wa 13 wa shampiyona, umutoza Kanamugire Aloys yagize icyo atangaza kuri iyi kipe itsinda umukino umwe (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.