2017-09-26 12:43:25 clouds 27o High | Kigali Rwanda

Dukurikire:
 
 

Abakinnyi ba Sunrise FC bagiye guhembwa ibirarane by’imishahara yabo

Yanditswe na IMVAHO NSHYA

Kuya 2017-01-06 13:23:40

 
Share on:
 
Yasuwe:11
 
Yavuzweho:200
 
10
 
10

Ubuyobozi bw’ikipe ya Sunrise FC bwatangaje ko abakinnyi bose bazasoza uku kwezi kwa Mutarama 2016 babonye umushahara wabo.

Umunyamabanga mukuru w’iyi kipe, Rebero Emmanuel yemereye Imvaho Nshya ko kugeza n’uyu munsi batarishyura abakinnyi ibirarane by’imishahara yabo (birimo amezi atandatu ku bavanye na Sunrise FC i Rwamagana mu mpera za shampiyona n’amezi atatu ku binjiyemo mu ntangiriro za shampiyona ya 2016-2017 ubwo iyi kipe yageraga i Nyagatare).

Rebero yagize ati “Ukuri ni uko amafaranga yabo batayabonye, ariko abantu. ikipe ikiba i Rwamagana abakinnyi bari bafitiwe amezi atatu, hakaba rero miliyoni 50 zitwa ko zari kuva mu tundi turere zo guherekeza ikipe. Ayo ntiyabonetse, ni nayo yateje ikibazo kandi yari kuvamo imishahara yabo icyo gihe. iyi mishahara turayizi. Abandi bo tubafitiye amezi atatu y’ukwezi kwa 10, 11 na 12 ariko ntitwigeze tumara amezi 6 tudahemba, kuko bageze mu hano kwa munani kandi twabahembye kuva icyo gihe’’.

Rebero ashingiye kubyo bumvikanye n’akarere yemeza ko uku kwezi kuzarangira abakinnyi babonye amafaranga yabo.

Ati “Twavuganye n’akarere amafaranga agiye gusohoka muri uku kwa mbere, kandi twarabibabwiye nabo barabizi nta kibazo rero gihari’’.

Ibi bibazo by’imishahara ni byo byatumye iyi kipe yari yatangiye ku mwanya wa mbere isubira inyuma ubu ikaba igeze ku mwanya wa 7 n’amanota 16.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE