Advertisement
 
 
 
 
 
 
 
 

Siporo | Siporo Mu Mahanga

Ruhango:Umushinga wari umaze imyaka 10 ufasha abatishoboye wahagaritse ibikorwa byawo   

  Yanditswe na MUHIZI ELYSEE
 1 month ago

 
 

Umushinga w’Abanyamerika ushinzwe kurwanya inzara, utangaza ko wahagaritse bimwe mu bikorwa byo kwita ku baturage batishoboye bo mu murenge wa Mbuye mu karere ka Ruhango.

Hari hashize imyaka 10 umushinga w’Abanyamerika ushinzwe kurwanya inzara (Food for the Hungry) ukorera mu murenge wa Mbuye mu Karere ka Ruhango.

Bamwe mu bagenerwabikorwa bawo barimo imfubyi, bavuga ko hari ibyo bari basigaje kugira ngo babe bivanye mu batishoboye.

Iribagiza Thérese, umwe mu bana b’imfubyi bafashwaga n’uyu mushinga wa FH, avuga ko hari ibikorwa byinshi ashimira uyu mushinga birimo kumwishyurira amafaranga y’ishuri, gusa akavuga ko arimo kwibaza aho azavana ubufasha bundi azaheraho yishyura Kaminuza kuko inkunga y’amafaranga yahawe yayitanze yiga amashuri yisumbuye.

JPEG - 234.7 kb
Ndayisaba Faustin, Umuyobozi wa Porogaramu mu mushinga FH (Foto Muhizi E)

Yagize ati “Umushinga wadufashije byinshi birimo cyane cyane ibikoresho by’uburezi n’amafaranga ya minerivali, ariko ahakenewe imbaraga nyinshi ni mu myaka ya Kaminuza.»

Umuyobozi ushinzwe ibikorwa by’umushinga Ndayisaba Faustin, avuga ko mu myaka 10 uyu mushinga umaze muri uyu murenge wakoze ibikorwa bitandukanye, ku buryo abagenerwabikorwa bawo bagombye kuba hari ibyo bamaze kwigezaho mu iterambere.

Ndayisaba akavuga ko hari indi mirenge bagiye gukoreramo irimo abaturage batishoboye, ku buryo inzego z’ubuyobozi ari zo zigiye gusigasira ibimaze gukorwa.

Yagize ati “Ndizera ko inkunga twabahaye mwayibyaje umusaruro kuko abahawe amatungo amaze kororoka ndetse n’abana bishyuriwe amafaranga y’ishuri bageze mu myaka ya nyuma cyane ku batangiranye n’umushinga.»

Byiringiro Jean Paul, Umunyamabanga nshingwabikorwa w’umurenge wa Mbuye, avuga ko bagiye gukomeza kwita ku bikorwa byose uyu mushinga usize muri uyu murenge ariko batirengagije izindi gahunda ziteza imbere imibereho y’abaturage.

Uyu muyobozi akavuga ko ku bufatanye n’abo umushinga wafashaga yizera adashidikanya ko bitazasubira inyuma agereranyije n’imbaraga bagiye gushyira muri ibi bikorwa.

Yagize ati «Ndizeza ko uyu mushinga ibyo basize tuzabyitaho cyane kuko abaturage bacu ari bo biteza imbere ariko kandi nkanasaba ababihawe kubibyaza umusaruro.»

Uyu mushinga wishyuriye abana barenga 1000 amafaranga y’ishuri ndetse ubaha n’ibikoresho, ukaba waraboroje inka n’ingurube zirenga 600, ndetse wanubakiye abatishoboye inzu zo kubamo, unafasha mu kubaka ibyumba by’amashuri n’ubwiherero.

 

Comments

 
 
Rafael Benitez nawe ari mu bashobora gusimbura Arsene Wenger
Rafael Benitez nawe ari mu bashobora gusimbura Arsene Wenger

Nyuma y’amakuru yagiye ahagaraga ko umutoza wa Arsenal, Arsene Wenger ashobora kuva muri iyi kipe hatangajwe abatoza bashobora kumusimbura barimo Massimiliano Allegri utoza Juventus mu (...)

Rayon Sports yatsinze, APR FC iranganya
Rayon Sports yatsinze, APR FC iranganya

Zanaco FC 0-0 APR FC, Al Wau Salaam 0-4 Rayon Sports Taliki 18-02-2017: APR FC-Zanaco FC (Amahoro-15h30) Taliki 19-02-2017: Rayon -Al Wau Salaam (Amahoro-15h30) Ikipe ya Rayon Sports yitwaye (...)

Sergio Aguero ashobora kwerekeza muri Real Madrid
Sergio Aguero ashobora kwerekeza muri Real Madrid

Umukinnyi ukinira ikipe ya Manchester City mu Bwongereza ukomoka muri Argentine, Sergio Aguero biravugwa ko ubwo umwaka w’imikino wa 2016-2017 uzaba urangiye ashobora kwerekeza mu ikipe ya Real (...)

Dimension Data yagaragaje icyo yiteze kuri Mugisha na Areruya
Dimension Data yagaragaje icyo yiteze kuri Mugisha na Areruya

Ubuyobozi bw’ikipe ya Dimension Data for Qhubeka burizera ko abakinnyi batandatu bakiri bato b’abanyafurika berekeje mu ikipe ya kabiri yayo bazavamo ibihangange bizitwara neza mu marushanwa y’i (...)

Sitade ya Manchester United “Old Trafford
Sitade ya Manchester United “Old Trafford" yibasiwe n’inkongi

Inkongi y’umuriro yibasiye sitade y’ikipe ya Manchester United mu gitondo cyo kuri uyu wa 30 Mutarama 2017. The Sun ivuga ko uwo muriro wagaragaye mu gice cy’amajyepfo cy’iyo stade kizwi (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.