2017-07-20 15:18:59 clouds 27o High | Kigali Rwanda

Dukurikire:
 
 

Imvururu z’abamagana Kabila zatumye Shampiyona ya Congo iba ihagaritswe

Yanditswe na IMVAHO NSHYA

Kuya 2016-12-15 06:38:16

 
Share on:
 
Yasuwe:255
 
Yavuzweho:200
 
10
 
10

Minisitiri w’imikino muri Republika Iharanira Demokarasi ya Congo yafashe icyemezo cyo guhagarika shampiyona y’icyiciro cya mbere kuva kuri uyu wa kane taliki 15 Ukuboza 2016 kuzageza taliki14 Mutarama 2017.

Denis Kambayi, Minisitiri w’imikino muri iki gihugu yaraye abwiye abanyamakuru ko ari icyemezo cyafashwe ku mpamvu z’umutekano w’abareba iyi mikino.

Kamba yagize ati’’Ni ku mpamvu enye, zirimo Urugomo rukabije mu ma Stade, Kutubahiriza amategeko mu kugabana ibivuye ku bibuga, Ibyangirijwe mu bigo n’ahabera umupira hatasanwe no kurangwa n’ikinyabupfura gike hamwe no kutagira uburere mbonerabihugu ku bafana.’’

JPEG - 315.9 kb
Abanafana ba TP Mazembe bavanga gufana no kwamagana Kabila

Kambayi yasabye abayobozi b’amakipe kwicara hamwe na Federasiyo bakareba ingamba zafatirwa ibi bibazo.

Imvururu zo ku bibuga n’ubu ntizirabonerwa ingamba, mu gihe ariko zikunze guhitana abatari bake nk’uko byabaye muri Gicurasi 2014 aho abantu 15 bapfiriye muri Sitade.

Abafana bo muri iki gihugu bamaze iminsi kandi baririmbira muri Sitade mu mikino ya shampiyona n’iy’ikipe y’igihugu indirimbo nka"yebela!" ni ukuvuga ’’Vaho’’na “esili" ni ukuvuga ngo ’’Ibyawe byararangiye’’ bamagana Joseph Kabila , Perezida w’iki gihugu ushaka kwiyamamariza Manda ya gatatu.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE