18°C , Partly sunny | Kigali-Rwanda

Shampiyona irakomeza ku munsi wa 16, hatangira imikino yo kwishyura

Yanditswe na BIZIMANA ERIC

Ku ya 14-04-2018 saa 11:46:40

Uyu munsi

Espoir FC-Gicumbi FC (Rusizi-15h30)

Mukura VS- Kirehe FC (Sitade Huye-15h30)

Amagaju FC -Bugesera FC (Nyamagabe-15h30)

Musanze FC -SC Kiyovu (Sitade Ubworoherane-15h30)

Police FC-Etincelles FC (Sitade Kicukiro-15h30)

Ejo tariki 15.04.2018

Sunrise FC-APR FC (Nyagatare-15h30)

Marines FC -Miroplast FC (Sitade Umuganda-15h30)

Nyuma y’uko hasojwe imikino ibanza, shampiyona y’igihugu y’ikiciro cya mbere mu mupira w’amaguru irakomeza uyu munsi tariki 14 Mata 2018, hakinwa imikino yo kwishyura.

Ikipe ya Police FC ifite akazi katoroshye mu mukino uza kuyihuza na Etincelles FC

Iyi shampiyona igeze ku munsi wa 16, ikipe ya Police FC ya gatandatu n’amanota 22 irakira Etincelles FC ya karindwi n’amanota 21 kuri Sitade ya Kicukiro saa kenda n’igice (15h30).  Aha Police FC ifite akazi katoroshye ko kwikura imbere ya Etincelles FC kuko mu mukino ubanza, yatsinzwe ibitego 3-0.

Mu yindi mikino iteganyijwe, Espoir FC itozwa na Okoko Godefroid  ya 13 n’amanota 14  irakira Gicumbi FC ya nyuma n’amanota 11,  Mukura VS ya 9 n’amanota 18  iraza kwakira Kirehe ya 12 n’amanota 15, Musanze  FC ya 10 n’amanota 17 yakira Kiyovu Sports ya gatatu n’amanota 29 ndetse Amagaju FC ya 14 n’amanota 13 yakire Bugesera ya 8 n’amanota 20.

Iyi shampiyona izakomeza ku cyumweru, aho APR FC ya kane n’amanota 28  izasura Sunrise FC iri ku mwanya wa gatanu n’amanota 25. Ni nako Marines FC ya 11 n’amanota 17 izaba yakiriye Miroplast FC ya 15 n’amanota 12.

Ku rundi ruhande, ikipe ya Rayon Sports iyoboye urutonde rwa shampiyona n’amanota 30 yagombaga kwakira AS Kigali iyikurikiye n’amanota 29, uyu mukino wamaze gusubikwa.

Impamvu ni uko Rayon Sports igomba kwitegura urugendo rwerekeza muri Mozambique aho izakina na Costa do Sol yo muri iki gihugu mu mukino wo kwishyura w’imikino y’Afurika y’amakipe yitwaye neza iwayo “Total CAF Confederations Cup 2018”, uzaba ku  wa kabiri tariki 17 Mata 2018, ni mu gihe izaba ijyanye impamba y’ibitego 3-0 yatsinze mu mukino ubanza.

Uyu mukino wa Rayon Sports yagombaga kwakiramo AS Kigali FC, biteganyijwe ko  uzaba tariki 25 Mata 2018.

Abakinnyi batemerewe gukina kuri uyu munsi wa 16 barimo ; Biramahire Christophe (Police Fc), Rucogoza Elias (Miroplast Fc), Rugirayabo Hassan (Mukura VS), Ndikumana Tresor (Amagaju FC), Munezero Dieudonne (Amagaju Fc), Moussa Ally (Sunrise Fc), Nshimiyimana Aboubakar (Gicumbi fc).

Ndarusanze Jean Claude ukinira AS Kigali ni we uyoboye abandi mu gutsinda ibitego byinshi (7), mu mikino 15, akurikiwe na Songa Isaie ukinira Police FC ufite ibitego 6.

TANGA IGITEKEREZO

Leave a Reply

Be the First to Comment!

avatar