18°C , Showers | Kigali-Rwanda
Nzayirambaho Jean Luc, Umuyobozi wa Secure Rwanda LTD ( Ifoto Rose M)

“Secure Rwanda Ltd” ikomeje kugeza ku Banyarwanda ibikoresho byo gucunga umutekano

Yanditswe na MUKAGAHIZI ROSE

Ku ya 18-04-2019 saa 09:19:28

Secure Rwanda Ltd ni company ikora ibijyanye no gucunga umutekano ariko hifashishijwe ibikoresho by’ikoranabuhanga haba mu gukumira, gucunga no kubungabunga umutekano igeza ku banyarwanda ibikoresho bisaka abantu birimo ibifata amashusho, ibyuma bisaka n’ibindi bigenzura ibisasu kandi  bigezweho byifashishwa muri gahunda zo gucunga umutekano.

Nzayirambaho Jean Luc, Umuyobozi wa Secure Rwanda LTD ( Ifoto Rose M)

Mu kiganiro kihariye n’Imvaho Nshya, Nzayirambaho Jean Luc, umuyobozi  w’iyi  Company, avuga ko bafite ibikoresho bitandukanye birimo “Fire alarm” aho ishyirwa  mu nzu igihe habaye inkongi y’umuriro cyangwa  ahandi hantu  biri,  bibona wa muriro noneho bigatabaza ku buryo ababishinzwe bashobora kujya kuzimya  hatarangirika ibintu byinshi.

Hari kandi  uburyo bwo kurinda abajura. Yagize ati Umuntu avuye ahantu agasiga  afunguye ubu buryo, iyo hagize umuntu ugerageza gushaka kwinjira atabyemerewe, iramubona igasakuza, ndetse igatanga n’ubutumwa  ku bantu babishinzwe, ishobora gutabaza n’inzego z’umutekano cyangwa na nyir’ubwite akaba yaza kureba ikintu kibaye niba ari umujura akaba yafatwa.”

Bafite kandi ibindi bikoresho bitandukanye byifashishwa mu gusaka aho abantu banyura, imodoka. Gusa bafite na gahunda yo kwagura bakazana ibindi bikoresho bigezweho uko ikoranabuhanga ryaguka. Hari n’ibifata amashusho yifashishwa mu  kumenya amakuru  ku bijyanye n’umutekano «CCTV Cameras System».

Nzayirambaho ati: “Ikintu kinini nishimira ni uko twabashije kugira aho tuva n’aho tugera mu gutanga serivisi nziza, mbasha gupiganira amasoko manini kandi nkanayatsindira, kandi abo dukoreye bose bagashima.”

Nzayirambaho avuga ko bagira n’ibikoresho biburira igihe habaye inkongi y’umuriro. Ati: Dufite ibicuruzwa bigera kuri 15. Hari  nk’uburyo bufasha gukinga imiryango ku buryo nta muntu winjiramo atemerewe kwinjira aho hantu. Nuwinjiyemo ukaba wamenya igihe yinjiriyemo n’amasaha yaviriyemo.”

Akomeza avuga ko kandi bafite n’uburyo bufasha  ibigo bifite abakozi benshi, urugero abakozi baje ku kazi, igihe batahiye, niba hari abakoze amasaha y’ikirenga, bityo ifasha kumenya uburyo abakozi baza ku kazi n’uburyo bava ku kazi.

Yifuza ko abantu ku giti cyabo na bo basobanukirwa agaciro k’ubu buryo na bo bakabukoresha mu nzu yabo kuko ubu buryo ntibuhenze hakurikijwe umumaro wabwo n’ibyo bukumira.

Nzayirambaho yagize ati: Hari imbogamizi mu myumvire y’abaturage basanzwe bakumva ko ibi bikorwa na Leta cyangwa ibigo by’abikorera gusa nyamara bireba abantu bose.”

Ashishikariza Abanyarwanda gukoresha ubu buryo kuko bufasha, nk’umuntu wirirwa mu kazi yasize abana mu rugo biramworohera cyane kuko hatagira ikintu kiba mu rugo akazayoberwa amakuru. Binatuma amenya icyabaye cyangwa akamenya icyakosorwa.

Ashima imiyoborere myiza y’u Rwanda kuko iha amahirwe buri wese ufite ubushake bwo gukora abishoboye kuba yagira icyo akora akiteza imbere.

Kugeza ubu, afite intumbero yo kwagura ibikorwa bigaha akazi abantu benshi kandi ntakorere mu gihugu imbere gusa, ahubwo no hanze yacyo bizinesi ye ikagera ku rwego mpuzamahanga.

Bimwe mu bikoresho wasanga muri Secure Rwanda Ltd

TANGA IGITEKEREZO

2 Comments on ““Secure Rwanda Ltd” ikomeje kugeza ku Banyarwanda ibikoresho byo gucunga umutekano”

Leave a Reply

Your email address will not be published. Required fields are marked *