25°C , Partly sunny | Kigali-Rwanda

Sauti Sol yakoranye indirimbo na Tiwa Savage

Yanditswe na NDAMYIROKOYE FRANÇOIS

Ku ya 09-01-2018 saa 08:37:25

Itsinda rya muzika rya Sauti Sol  ryo muri Kenya rimaze kumenyekana muri aka karere ndetse no muri Afurika muri rusange  ryakoranye indirimbo  yitwa «Girl next door»
 n’umuhanzikazi Tiwa Savage  ukomoka muri Nigeria.

Tiwa Savage ubwo yari kumwe na Bien Aimé umwe mu bagize itsinda rya Sauti Sol

Urubuga rwo muri Nigeria rwa  www.bellanaija.com ruratangaza ko iri tsinda na Tiwa Savage bazasohora iyi ndirimbo ku ya 10 Mutarama 2017.

Iyi ndirimbo bakoze, uru rubuga ruvuga ko ari imwe mu  ndirimbo zizaba ziri kuri Alubumu yabo ya kane yitwa «African Sauce».

Uwitwa Maleek Berry uru rubuga ruvuga ko ari we watunganyije indirimbo mu buryo bw’amajwi ngo naho mu buryo bw’amashusho yakozwe n’inzu itunganya umuziki ya  Unlimited L.A.

Bagiye gusohora iyi ndirimbo nyuma y’uko  baherukaga gukorana indirimbo na Patoranking yitwa «Melanin» ikunzwe cyane muri iyi minsi.

Mu ijoro ryo ku ya 31 Ukuboza 2017 kandi iri tsinda ryakoreye igitaramo mu Mujyi wa Kigali riri kumwe n’umuhanzikazi  Yemi Alade na we wo muri Nigeria.

Abahanzi bagize  iri tsinda kandi basanzwe bazwi ku ndirimbo zitandukanye zirimo iyitwa «Kuliko jana», «Isabella», «Sura yako» n’izindi.

TANGA IGITEKEREZO

Leave a Reply

Be the First to Comment!

avatar