21°C , Intermittent clouds | Kigali-Rwanda
Sarpong Michael ashyikirizwa igihembo na Perezida wa Rayon Sports, Munyakazi Sadate

Sarpong   yahawe igihembo cy’ umukinnyi w’umwaka muri Rayon Sports

Yanditswe na BUGINGO FIDELE

Ku ya 08-08-2019 saa 20:05:56

Tariki 08 Kanama 2019 mu Nzove aho ikipe ya Rayon Sports isanzwe ikorera imyitozo habaye umuhango wo guhemba abakinnyi bitwaye neza mu mwaka w’imikino wa 2018-2019 aho rutahizamu Michael Sarpong ukomoka muri Ghana yahawe igihembo cy’umukinnyi w’umwaka.

Sarpong Michael ashyikirizwa igihembo na Perezida wa Rayon Sports, Munyakazi Sadate

Iki gikorwa gisanzwe gitegurwa n’itsinda ry’abafana rya “March Generation” aho bafatanya na Skol isanzwe ari umuterankunga mukuru w’ikipe ya Rayon Sports ndetse n’ihuriro ry’amatsinda yose afana iyi kipe.

Iki gikorwa cyabanjirijwe no guhemba umukinnyi witwaye neza buri kwezi  aho bahembaga uwitwaye neza muri Kamena 2019. Iki gihembo cyahawe  Iradukunda  Eric  ukina nka myugariro aho yahawe ibihumbi 100 by’amafaranga y’u Rwanda.

Hatanzwe n’igihembo  cy’umukinnyi witwaye  neza akiri muto  aho  abafana batoye Ulimwengu Jules  usanzwe ari rutahizamu w’ikipe ya Rayon Sports. Uyu rutahizamu  ufite imyaka 19 y’amavuko yahawe  ibihumbi 100. Ulimwengu kandi yanahawe igihembo cy’uwatsinze ibitego byinshi dore ko ari we wasoje  shampiyona afite ibitego 20 aho yahawe ibihumbi 150.

Sarpong Michael wabaye umukino witwaye neza mu mwaka w’imikino wa 2018-2019 yawe ibihumbi 200 akaba ahanini abikesha gufasha iyi kipe kwegukana igikombe cya shampiyona.

Muri iki gikorwa kandi, umufana wahize abandi Umumararungu Uwera yahawe igikombe cyo kuzaherekeza ikipe ya Rayon Sports mu mukino  izakina na Al Hilal muri Sudani aho azishyurirwa buri kimwe cyose na Skol.

Iradukunda Eric wahawe gihembo cy’umukinnyi w’ukwezi kwa Kamena 2019

Ulimwengu Jules wahawe igihembo cy’umukinnyi witwaye neza akiri muto ndetse n’icy’uwatsinze ibitego byinshi

Umufana wahawe itike yo kuzaherekeza ikipe ya Rayon Sports muri Sudani

TANGA IGITEKEREZO

Leave a Reply

Your email address will not be published. Required fields are marked *