17°C , Mostly cloudy | Kigali-Rwanda
Nkombo barashima aho umuryango FPR Inkotanyi ubagejeje kuko wabakuye kure (Foto Ingabire A)

Rusizi: Abo ku Nkombo barishimira ko imiyoborere myiza yabakuye mu bwigunge

Yanditswe na INGABIRE RUGIRA ALICE

Ku ya 28-08-2018 saa 07:35:50

Abaturage bo mu kirwa cya Nkombo giherereye mu murenge wa Nkombo mu karere ka Rusizi barimira imiyoborere myiza igihugu gifite muri iki gihe, kuko yabakuye mu bwigunge bari barashyizwemo n’imiyoborere mibi u Rwanda rwagize mbere ya Jenoside yakorewe abatutsi mu 1994.

Nkombo barashima aho umuryango FPR Inkotanyi ubagejeje kuko wabakuye kure (Foto Ingabire A)

Ubu ariko baratangaza ko iterambere ryabagezeho babikesheje ubuyobozi bwiza burangajwe imbere n’Umukuru w’igihugu Paul Kagame wabasuye akabona akababaro kabo, akabasezeranya kubateza imbere none iryo terambere ryabagezeho.

Nyandwi Theophile, umuturage wo ku kirwa cya Nkombo yagize ati “Biragoye kugira ngo tuvuge ibigwi by’Umukuru w’igihugu Paul Kagame na FPR-Inkotanyi dukurikije ahantu umurenge wacu uvuye, imiyoborere myiza yatuzaniye umurenge mwiza buri kagali gafite ibiro bisobanutse, hano hari ishuri ry’ibyatsi tukiga kugera mu mwaka wa kane twicara ku mitumba.

Twambukaga hakurya tugaterwa amabuye tugiye kwiga, ntitureme isoko rya Kamembe bakadutera amabuye kubera ko batwitaga abashi, bakatwita abanyamahanga mu gihugu cyacu. Ubu dufite umudendezo wageze no mu butabera, twari dufite umuntu ukomeye Munyakazi Benoit hano ku Nkombo ari umupolisi wa komine ariko ubu twese tumaze kuba abantu bakomeye mu ngeri zose.”

Ubu mu Rwanda hose turarahari bamwe bigisha za kaminuza, hose turi abacuruzi bakomeye, mu nzego zifata ibyemezo turimo abanyenkombo kuko twahawe agaciro nk’abandi banyarwanda. Ubu ikirwa cya Nkombo kirazwi hose cyagezeho ibikorwa remezo, ni yo mpamvu nta mpamvu yatuma tudatora Umuryango FPR-Inkotanyi.”

Ugirashebuja Remy na we ni umuturage mu murenge wa Nkombo mu kagali ka Bigoga ho mu karere ka Rusizi, yunzemo ati “Uwaduhaye turamuzi yadukoreye ibyiza hano ku Nkombo, uwo ni Umukuru w’igihugu cyacu cy’u Rwanda Paul Kagame hamwe n’umuryango FPR-Inkotanyi natwe ubwacu hari igihe tujya tureba tugatangara dukurikije aho batuvanye, turabashimira kandi tuzakomeza kubashyigikira.”

Nsigaye Emmanuel, Komiseri w’umuryangoy FPR-Inkotanyi ku rwego rw’intara y’Iburengerazuba, yavuze ko umuryango FPR-Inkotanyi nta warondora ibyiza byawo, avuga ko bazakomeza guteza imbere abanyarwanda.

Yagize ati “Ibyiza umuryango FPR-Inkotanyi wakoreye abanyarwanda nta wabirondora, ni byiza gukomeza kwibukiranya ibyiza byagezweho no gushyigikira ibisigaye gukorwa, dukomeze twishimire ibigwi by’umuryango wacu FPR kandi tunakomeza gushyigikira urangaje imbere ari we Nyakubahwa Paul Kagame, we watumye u Rwanda rugera aheza hishimirwa na buri wese.”

TANGA IGITEKEREZO

Leave a Reply

Your email address will not be published. Required fields are marked *