21°C , Partly cloudy | Kigali-Rwanda
Umuyobozi w'ishami rishinzwe gutwara abantu n'ibintu muri RURA, Emmanuel Asaba Katabarwa yerekana uko bagenzura abakoresha ICFM (Foto Kayitare J.P)

RURA yakuyeho urujijo ku bakoresha imashini mubazi za tagisi vatiri

Yanditswe na Kayitare Jean Paul

Ku ya 08-11-2018 saa 12:26:59

Ikigo ngenzuramikorere k’imirimo ifitiye igihugu akamaro RURA, kiratangaza ko amafaranga yacibwaga umushoferi kugira ngo ahabwe imashini mubazi (ICFM ‘Intelligent Connected Fare Meters’) zikoreshwa mu kwishyuza abagenzi amafaranga y’ingendo atari byo kandi ko iyo imashini irimo gukoresha murandasi (internet) bitavuze ko umushoferi abarirwa.

Ibi ni byo basobanuriwe n’umuyobozi w’ishami rishinzwe gutwara abantu n’ibintu muri RURA, Emmanuel Asaba Katabarwa, mu kiganiro n’itangazamakuru uyu munsi ku wa Kane tariki 08 Ugushyingo 2018.

Asaba avuga ko amafaranga ibihumbi magana biri na cumi na bitanu (215,000frs) bivugwa ko acibwa umushoferi ugiye gutangira gukoresha ICFM atari ukuri ko bazihererwa ubuntu zagira ikibazo bakazisubiza rwiyemezamirimo.

Yagize ati “Amafaranga yavuzwe ko acibwa umushoferi wa tagisi vatiri angana n’ibihumbi 215 si byo kuko bazihererwa ubuntu kandi na byo byaturutse ku busabe bwabo. Habayeho kuganira bo bavuga ko bajya bacibwa 10.5% kuri buri mugenzi, ayo mafaranga ni yo avamo azishyurwa rwiyemezamirimo watanze imashini, akavamo aya murandasi n’ibindi umushoferi akenera kwishyura.”

Ku kibazo cyakunze kugaragazwa ko imashini mubazi zikoreshwa mu ngendo (ICFM) ayo mafaranga ava mu 10.5% umushoferi yishyura kuri buri mugenzi, RURA itangaza ko nta imashini idashobora kubara mu gihe umushoferi yakije imodoka cyangwa iyo avuye iwe agiye mu kazi. Yongeraho kandi ko idashobora kubarira umushoferi utwaye umugore we cyangwa atwaye umwana ku ishuri.

Asaba asobanura ko mu gihe umushoferi wa tagisi vatiri atwaye umugenzi akagera aho ahagarara, umushoferi ahagarika imashini ye akongera kuyikoresha urugendo rukomeje.

Nyandwi Simeon ukora tagisi vatiri mu Mujyi wa Kigali yemeza ko nta mafaranga bacibwa iyo bahawe imashini.

RURA igaragaza ko mu bashoferi 1,024 abiyandikishije bafite imashini abazikoresha bakaba barenga 600. Imashini mubazi ICFM, zatangiye gukoresha tariki 20 Nzeri 2013.

Inkuru turacyayikurikirana…

TANGA IGITEKEREZO

Leave a Reply

Your email address will not be published. Required fields are marked *