23°C , Mostly cloudy | Kigali-Rwanda
Rosy Keys yiyemeje kuririmba indirimbo zihimbaza Imana

Rosy Keys yiyemeje kuririmba indirimbo zihimbaza Imana

Yanditswe na Ndamyirokoye François

Ku ya 27-11-2018 saa 13:40:02

Kayirangwa Rosine ukoresha mu buhanzi izina rya Rosy Keys watangiye aririmba indirimbo zirimo iz’urukundo bamwe bakunda kwita «Secular music» yafashe umwanzuro wo kuzajya aririmba indirimbo zo kuramya Imana ndetse no kuyihimbaza.

Mbere y’uko ahagarika kuririmba indirimbo zibanda ku buzima bwa buri munsi yari yarakoranye indirimbo na The Ben yitwa «Ubuzima», akorana n’indi na Bruce Melody yitwa «Bingeraho» kandi yakoze n’izindi zirimo iyitwa «Show me» n’iyitwa «Ubwirakabiri» yakoranye n’umuraperi Bably.

Mu buhanzi bwe kandi avuga ko hari n’izindi ndirimbo zivuga kuri gahunda ya Leta yagiye aririmba. Zimwe muri izo ndirimbo yavuze ko ari iyitwa «Imiyoborere», «Inkomezamihigo» n’izindi.

Kugira ngo atangire kuririmba indirimbo zo kuramya Imana no kuyihimbaza yavuze ko byatewe n’uko yaje kwiyumvamo uwo muhamagaro ngo kandi n’abantu banyuranye bagiye bamusaba gukora ibihangano nk’ibyo.

Rozy Keyz watangiye aririmba indirimbo zizwi nka Secular music

Uretse kuba asigaye aririmba indirimbo nk’izo yavuze ko asigaye ari umuvugabutumwa.

Zimwe mu ndirimbo zo kuramya no guhimbaza Imana afite harimo iyitwa «Thank you Jesus», «Oh my God » n’iyitwa «You know me» avuga ko yamaze no kuyikorera amashusho.

Umuhanzikazi Rosy Keys yavuze ko kandi aherutse gukorana indirimbo n’undi muhanzikazi iyo ndirimbo ikaba yitwa “Yaweeh”. Iyo ndirimbo avuga ko barimo gutegura amashusho yayo.

Ku rundi ruhande avuga ko agihura n’imbogamizi yo kumenyekanisha ibihangano bye. Muri iyi minsi kandi uyu muhanzikazikazi arimo gukorera ubuhanzi bwe muri Uganda.

TANGA IGITEKEREZO

Leave a Reply

Your email address will not be published. Required fields are marked *