17°C , Partly sunny | Kigali-Rwanda

Riderman yongeye guhuza imbaraga na Bruce Melody

Yanditswe na NDAMYIROKOYE FRANÇOIS

Ku ya 05-09-2018 saa 07:47:59

Gatsinzi Emery uzwi muri muzika nyarwanda nka Riderman yongeye gukorana indirimbo na Bruce Melody ikaba yitwa “Ikinyarwanda.”

Muri iyo ndirimbo humvikanamo amagambo by’umwihariko usanga akoreshwa n’urubyiruko adapfa kumvwa na buri wese.

Umuraperi Riderman

Iyi ndirimbo aba bahanzi bayisohoye mu buryo bw’amajwi gusa  bayikorewe na Madebeat.

Nta bwo ari ubwa mbere aba bahanzi bakoranye indirimbo kuko  bari barakoranye indirimbo yitwa “Urugamba”, “Wanshitse vuba” kandi baheruka guhurira mu ndirimbo yitwa “Ntakibazo” y’itsinda rya Urban Boys.

Riderman ni umuraperi washinze imizi muri Hip Hop na Rap nyarwanda akaba azwi ku ndirimbo nyinshi zirimo iyitwa “Inyuguti ya R”, “Holo”, “Amateka”, “ Umutekamutwe” kandi afite n’izindi zitandukanye.

Naho Bruce Melody we uwavuga ko amaze kuganza muri R&B mu Rwanda ntiyaba abeshye.

Itahiwacu Bruce uzwi nka Bruce Melody

Zimwe mu ndirimbo azwiho harimo iyitwa “Ndumiwe”, “Embera zo” aheruka gukorana na Sheebah Karungi, “Tubivemo”, “Complete me” kandi afite n’izindi.

TANGA IGITEKEREZO

Leave a Reply

Your email address will not be published. Required fields are marked *