21°C , Mostly cloudy | Kigali-Rwanda

Rayon Sports yatangiye kwitegura umukino wa Enyimba

Yanditswe na BUGINGO FIDELE

Ku ya 11-09-2018 saa 09:03:51

Tariki 16-09-2018

Rayon Sports-Enyimba

Ikipe ya Rayon Sports nyuma yo kwitwara neza mu mikino yo mu matsinda ikagera muri ¼  mu mikino y’Afurika  y’amakipe yitwaye neza iwayo “Total CAF Confederation Cup 2018” izahura na Enyimba  yo muri  Nigeria.

Rayon Sports yatangiye kwitegura umukino uzayihuza na Enyimba yo muri Nigeria mu mikino y’Afurika

Umukino ubanza uzabera mu Rwanda   kuri  Sitade ya Kigali i Nyamirambo tariki 16 Nzeri 2018 naho uwo kwishyura uzabera muri Nigeria  tariki 23 Nzeri 2018.

Ikipe ya Rayon Sports  yatangiye imyiteguro y’uyu mukino aho abakinnyi basubukuye imyitozo.  Tariki 09 Nzeri 2018 ni bwo umutoza mukuru w’iyi kipe, Roberto Oliveira Goncalves do Carmo yagarutse mu Rwanda  avuye iwabo muri Brazil nyuma y’ikiruhuko yari yahawe akimara gutsinda Yanga mu mukino usoza imikino yo mu matsinda  tariki 29 Kanama 2018.

Iyi kipe ya Rayon Sports n’ubwo  nta gikombe  mu Rwanda yegukanye uyu mwaka yagerageje kwitwara neza mu mikino y’Afurika kuko kugeza ubu imaze gukina imikino  12 aho muri iyi mikino yatsinzemo 4 inganya 5 itsindwa imikino 3.

Nyuma yo kwitwara neza muri iyi mikino harimo iy’amajonjora ndetse n’iyo mu matsinda ni ho umutoza   Roberto ashingira  avuga ko nta bwoba bafitiye ikipe ya Enyimba ahubwo bagomba kuyitegura neza kugira ngo bazitware neza.

Rayon Sports mu mikino 3 yatsinzwe, ibiri yayitsindiwe hanze harimo uwa Mamelodi muri Afurika y’Epfo ndetse na Costa do Sol muri Mozambique undi itsidirwa mu rugo na USM Alger. Gusa iyi kipe yagiye  igaragaza ho iyo ikinira hanze  yitwara neza kuko mu mikino yo mu matsinda,  yabashije kunganyiriza  muri Tanzania no muri Algeria, itsindira muri Kenya ari na byo bayihesheje amahirwe yo gusohoka mu itsinda.

Rayon Sports kugira ngo ikomeze ikore amateka  igere muri ½ irasabwa  kwitwara neza igatsinda umukino ubanza uzabera mu Rwanda   ikazihagararaho mu mukino wo kwishyura uzabera muri Nigeria.

Iyi kipe  nyuma yo kubona itike y’imikino y’amatsinda y’imikino y’Afurika yagiye ihura n’ibibazo byo kubura abakinnyi barimo nka Nahimana Shassir, Shaban Hussein Tchabalala, Ismaila Diarra, Kwizera Pierrot, Ndayishimiye Eric Bakame na  Usengimana Faustin.

Uretse aba bakinnyi kandi ku munsi wa 4 w’imikino yo mu matsinda abakinnyi 3 ari bo Ndayisenga na Mbondi bahagaritswe imikino 2 naho Mukunzi Yannick ahagarikwa imikino 3 kubera imirwano yabaye nyuma y’umukino wa Rayon Sports na USM Alger muri Algeria.

Ibi kandi byiyongereyeho ihindagurika ry’abatoza aho nyuma ya Karekezi weguye na Ndikumana  wapfuye  haje Ivan Minnaert akungirizwa na Witakunge na Lomami Marcel nyuma na bo bakagenda hakaza,  Roberto ubu akaba yungirijwe na Gatera na Hakizimana Corneille.

TANGA IGITEKEREZO

Leave a Reply

Be the First to Comment!

avatar