22°C , Partly cloudy | Kigali-Rwanda

Rayon Sports yanganyije na Gor Mahia, Yanga itsidirwa muri Algeria

Yanditswe na BUGINGO FIDELE

Ku ya 08-05-2018 saa 05:56:34

Rayon Sports 1-1 Gor Mahia

USM Alger 4- 0 Yanga

Tariki 16-05-2018

Yanga-Rayon Sports (Dar es Salaam)

Gor Mahia-USM Alger (Nairobi)

Ikipe ya Rayon Sports yanganyije na Gor Mahia igitego 1-1 mu mukino wa mbere mu itsinda D mu mikino y’Afurika y’amakipe yitwaye neza iwayo “CAF Confedertion Cup 2018” naho ikipe ya Yanga yo muri Tanzania itsindirwa muri Algeria na USM Alger ibitego 4-0.

Kagere Meddie watsindiye Gor Mahia igitego ahanganye na ba myugariro b’ikipe ya Rayon Sports

Uyu mukino wa Rayon Sports wabereye kuri Sitade ya Kigali i Nyamirambo, tariki 06 Gicurasi 2018,  Gor Mahia  ni yo yafunguye amazamu ku gitego cyatsinzwe na Kagere Meddie  ku munota wa 9 mu gihe ku munota wa 23, Rutanga Eric yishyuye iki gitego ku mupira  uteretse ari nako umukino waje kurangira.

Nyuma y’uyu mukino, umutoza wa Gor Mahia, Dylan Kerr yatangaje ko yishimiye uko umukino wagenze anishimira kunganya mu mukino wo hanze.

Umutoza wa Rayon Sports, Ivan Minnaert yatangaje ko batishimye kuko bifuzaga amanota 3 bakaba babonye inota rimwe. Ati Twagerageje gukina neza gusa n’imvura yaturogoye ituma umukino udakinwa neza uko bikwiye ariko tugiye kwitegura umukino utaha kandi twizeye kuzitwara neza”.

Muri iri tsinda D, ikipe ya Yanga yo muri Tanzania yatsindiwe muri Algeria na USM Alger ibitego 4-0 byatsinzwe na Darfalou ku munota wa 4, Chafai ku munota wa 32, Meziane ku munota wa 53 na Zemmamouche ku munota wa 90 kuri penaliti.

Imikino y’umunsi wa kabiri Yanga izakira Rayon Sports

Imikino y’umunsi wa kabiri mu itsinda D izaba tariki 16 Gicurasi 2018 aho ikipe ya Yanga yo muri Tanzania izaba yakira ikipe ya Rayon Sports naho  Gor Mahia ikakira USM Alger. Imikino y’umunsi wa 3 mu itsinda biteganyijwe ko izaba nyuma y’imikino y’igikombe k’Isi tariki 18 Nyakanga 2018 aho Yanga izakira Gor Mahia naho Rayon Sports ikakira USM Alger.

TANGA IGITEKEREZO

Leave a Reply

Be the First to Comment!

avatar