2017-06-27 10:18:55 clouds 27o High | Kigali Rwanda

Dukurikire:
 
 

USA yatangiye kohereza intwaro hafi ya Koreya Ruguru

Yanditswe na IMVAHO NSHYA

Kuya 2017-03-07 07:15:10

 
Share on:
 
Yasuwe:1612
 
Yavuzweho:200
 
10
 
10

Leta Zunze Ubumwe za Amerika (USA) yatangiye kohereza bimwe mu bice bigize igitwaro gikumira ibisasu bya misile muri Koreya y’Epfo kuri uyu wa Kabiri; nyuma y’uko Koreya ya Ruguru yongeye gutera mu nyanja ibisasu byo muri ubwo bwoko.

Ibinyamakuru byo muri Koreya ya Ruguru byatangaje ko Perezida w’icyo gihugu, Kim Jong Un yayoboye ibyo bikorwa byo gutera ibyo bisasu mu nyanja y’u Buyapani, bikongera umwuka mubi usanzwe hagati y’icyo gihugu na USA.

Umuyobozi w’ingabo za USA mu nyanja ya Pacific, Admiral Harry Harris yashyize ahagaragara itangazo rigira riti “ Ibikorwa by’ubushotoranyi bya Koreya ya Ruguru, birimo no kugerageza ibisasu bya misile byinsi, byashimangiye umwanzuro wo kohereza intwaro ya “THAAD” muri Koreya y’Epfo.”

JPEG - 115.7 kb
Intwaro USA yohereje muri Koreya ikumira ibisasu bya misile

Reuters ivuga ko umwanzuro wo kohereza iyo ntwaro urazamura amakimbirane hagati ya Koreya y’Epfo n’u Bushinwa buvuga ko ari igikorwa gihungabanya umutekano wo muri ako karere.

Kuwa Kabiri, perezida Donald Trump na Minisitiri w’Intebe w’u Buyapani baganiriye kuri bushotoranyi bukorwa na Koreya ya Ruguru kuri telefoni.
Nyuma yaho basohoye itangazo rigira riti “U Buyapani na USA byemeje ko ibikorwa byo gutera ibisasu bya Koreya ya Ruguru bihabanye n’imyanzuro ya Loni kandi bikaba ari ubushotoranyi bumaze kugera ku rundi rwego,”

Trump kandi yaganiriye na Perezida w’agateganyo wa Koreya y’Epfo, Hwang Kyo-ahn. Abajyanama mu by’umutekano ba Donald Trump bari baherutse gutangaza ko bagiye gufatira Koreya ya Ruguru imyanzuro ikakaye irimo no gushoza intambara mu gihe bibaye ngombwa.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE