Advertisement
 
 
 
 
 
 
 
 

Politiki | Mu Rwanda

Umushyikirano 2016: Hagaragajwe ibintu 10 Abanyarwanda bishimira   

  Yanditswe na MUGABO LAMBERT
 2 months ago

 
 

Mu nama y’Igihugu y’Umushyikirano, Umuyobozi Mukuru w’Ikigo cy’Igihugu cy’Imiyoborere, Prof. Shyaka Anastase, yagaragaje ibintu icumi Abanyarwanda bishimira bigaragaza intambwe yatewe mu gihugu.

Prof. Shyaka yavuze ko ikintu cya mbere ari uko nyuma ya Jenoside yakorewe Abatutsi mu 1994 Abanyarwanda bashoboye kwiyunga, iyo bidakorwa u Rwanda rwashoboraga no kuzima.

Ahamya ko Abanyarwanda bishatsemo ibisubizo, ubu aho u Rwanda rugeze ni ishuri ryagutse, rinini kandi ridaheza.

Ati “Twashimangiye demukarasi idaheza […] Demukarasi twubaka ni iyimakaza ubwumvikane.”

JPEG - 325.2 kb
Mu nama y’umushyikirano hashimangiwe ko u Rwanda rugeze ahashimishije

Icya kabiri, yavuze ni umutekano, ati “Inzego z’igihugu cyacu ziri mu za mbere ku isi zifitiwe icyizere na bene cyo, yaba Polisi, yaba Ingabo z’u Rwanda.” Yavuze ko n’iyo zikora umurimo wazo wo gufata abateshutse ku mategeko usanga abaturage bazifitiye icyizere.

Ati “Si no mu mahanga gusa, no mu Rwanda nta rundi rwego abaturage bafitiye icyizere nk’inzego z’umutekano.” Prof. Shyaka yavuze ko aho inzego z’umutekano z’u Rwanda zigeze mu mahanga, zibaha amahoro koko, ariko zikabashyira icyizere no kwiyubaka.

“Aho zigiye zihajyana rondereza, zikajyana umuganda, ababuze amahoro noneho bakayabona”. Ingabo z’u Rwanda ziyubatsemo imbaraga zo gukorera igihugu, ati “Ziragahora zizigira, zirakabyara ingabo nziza nazo, zibyarire u Rwanda.”

Ikindi yagarutseho ni uko byagaragaye ko Umushyikirano wabaye umusemburo w’iterambere. Ngo Abanyarwanda bafitiye icyizere umushyikirano, ko wahinduye imibereho yabo, no kuzamura iterambere ry’igihugu.
Abasaga 95% bavuze ko wihutishije iterambere ry’ubukungu, 94% wabafashije gukemurirwa ibibazo, naho 86% bavuga ko wabazaniye izindi mbaraga kugira ngo inzego zo mu gihugu zikore neza kurushaho.

Icya kane, Prof. Shyaka yavuze ku guha abari n’abategari ijambo, aho u Rwanda ari urwa mbere ku isi mu kugira abagore benshi mu Nteko Ishinga Amategeko, ariko ubu no mu bucamanza ngo barenze 50%.

Icya gatanu ni uko mu myaka ishize, Abanyarwanda bishatsemo ibisubizo bisumba kure ubushobozi bafite. Iyo urebye ibikorwa remezo u Rwanda rufite, imihanda, indege za Rwandair, kubyaza umuriro w’amashanyarazi gazi metani, yavuze ko ari ibikorwa remezo birenze imbaraga z’Abanyarwanda, bigaragaza ko n’ibirenze ibyo bishoboka.

Ku cya gatandatu, yavuze ku buzima, abajyanama b’ubuzima n’akamaro kabo, ko u Rwanda rwabaye ku isonga mu kugera ku Ntego z’Iterambere ry’Ikinyagihumbi, MDGs, zari zikomeye.

Mu myaka 15 ya MDGs, Abanyarwanda bashoboye kugabanya imfu z’abana bapfa batarageza ku myaka itanu ku gipimo cya 75%. Abagore batakazaga ubuzima babyara mu myaka 15 bagabanutseho 70%.

Ikindi, cya karindwi, ni gahunda ya “Girinka” yazamuye cyane imibereho y’abaturage, abana banywa amata. Impuzandengo ya litiro z’amata umuturage yanywaga iyi gahunda itaratangira yikubye hafi gatatu. Shyaka akaba yaratangaje ko mbere umuturage yanywaga litiro 20, ubu zirakabakaba 60. Ngo iyo urebye umusaruro cyangwa umukamo w’amata, wikubye inshuro 4.7 ku wa mbere y’iyi gahunda.

Avuga ku cya munani, yavuze abunzi, umwimerere w’Abanyarwanda mu kwikemurira ibibazo. Icya cyenda, kijyanye n’uburezi, ko aho amashuri y’imyaka 9 na 12 atangiriye nyuma y’imyaka ine gusa abana bajya mu mashuri bikubye 2.5.

Shyaka ko ari gahunda nini yasabaga ibikorwa remezo, bikaba byaratwaye amafaranga miliyari 135, aho 62% byavuye mu maboko y’Abanyarwanda, miliyari 50 zitangwa na Leta, abaterankunga batanga izigera kuri ebyiri. Ati “Ibi byerekana ko iyo Abanyarwanda babishatse n’ibidashoboka bishoboka”.

Ingingo ya cumi, ni koperative Umwarimu SACCO, yabaye ingirakamaro kuko yahinduye imibereho ya mwarimu mu myaka umunani ishize itangiye. Amafaranga miliyari 141 ni yo imaze gutanga mu barimu. Prof. Shyaka yavuze ko iyi gahunda yazanye impinduka ituma abarimu bafite umushahara muto babona inguzanyo ku buryo bworoshye.

 

Comments

 
 
Angola: Perezida Dos Santos yatangaje umusimbura nyuma y’imyaka 37 ari ku butegetsi
Angola: Perezida Dos Santos yatangaje umusimbura nyuma y’imyaka 37 ari ku butegetsi

Perezida wa Angola, Eduardo dose Santos yatangaje kuri uyu wa Gatanu ko atazongera kwiyamamaza ashyiraho Minisitiri w’Ingabo nk’umukandida uzamusimbura. Dos Santos w’imyaka 74, yayoboye Angola (...)

Perezida Kagame arakira indahiro z’abagize guverinoma nshya
Perezida Kagame arakira indahiro z’abagize guverinoma nshya

Perezida wa Repubulika y’u Rwanda, Paul Kagame arakira indahiro z’abaminisitiri n’abandi bayobozi bagize guverinoma yavuguruwe ku wa kabiri ku ya 4 Ukwakira 2016. Iyo guverinoma iyobowe na (...)

Trump na Hillary mu kiganiro mpaka cya kabiri ni inde uzatsinda?
Trump na Hillary mu kiganiro mpaka cya kabiri ni inde uzatsinda?

Abakandida bahatanira kuyobora Leta Zunze Ubumwe za Amerika, Donald Trump na Hillary Clinton baraye bagize ikiganiro mpaka. Mu kiganiro cya Mbere Trump yatsinze Hillary Ikiganiro mpaka cya (...)

 Kenya: Perezida Kagame yitabiriye inama ku buhinzi
Kenya: Perezida Kagame yitabiriye inama ku buhinzi

Perezida wa Repubulika, Paul Kagame, kuri uyu wa Gatatu, ari i Nairobi mu gihugu cya Kenya aho yitabiriye ihuriro ku mpinduramatwara mu birebana n’ubuhinzi butangiza ibidukikije ku mugabane wa (...)

Perezida Kagame  na Kabila  barahurira mu mujyi wa Rubavu
Perezida Kagame na Kabila barahurira mu mujyi wa Rubavu

Perezida wa Repubulika y’u Rwanda Paul Kagame, kuri uyu wa 12 Kanama 2016 yahuye n’uwa Repubulika Iharanira Demokarasi ya Congo, Joseph Kabila mu mujyi wa Rubavu. Biteganyijwe ko Perezida Kagame (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.