2017-10-22 09:15:58 clouds 27o High | Kigali Rwanda

Dukurikire:
 
 

U Rwanda rukeneye abanyamakuru baharanira ukuri –Minisitiri Kaboneka

Yanditswe na IMVAHO NSHYA

Kuya 2017-04-13 14:06:10

 
Share on:
 
Yasuwe:186
 
Yavuzweho:200
 
10
 
10

Minisitiri w’Ubutegetsi bw’Igihugu Kaboneka Francis yavuze ko umunyamakuru u Rwanda rwifuza ari uhagarara ku kuri kw’igihugu akanaharanira ahazaza heza hacyo.

Ibi yabitangaje mu muhango wo kwibuka abanyamakuru bazize Jenoside yakorewe Abatutsi mu 1994 wabaye ku ya 12 Mata 2017.

Yavuze ko abanyamakuru bazize Jenoside bibukwa uyu munsi nk’intwari zaharaniye ukuri, kubera ibikorwa byiza bakoze naho abakoze ibikorwa by’ubugwari bakagawa.

Ati “Iyo ufashe ababyeyi abavandimwe twibuka uyu munsi n’icyo baharaniraga n’itangazamakuru bakoraga ryo kugaragaza ukuri, aba turabibuka nk’intwari zaharaniye ukuri, tukabagereranya n’abandi, dufate urugero rwa Kantano ukuntu yatungaga agatoki isaha ku yindi umunota ku wundi avuga aho abantu bihishe ari ku isonga mu bakoze Jenoside.

JPEG - 149.3 kb
Minisitiri w’Ubutegetsi bw’Igihugu Kaboneka Francis

Uyu munsi Kantano ntawe umwibuka n’ubigerageje amwibuka nk’ikigwari. Tukagaya ibyo Kantano yakoze na bagenzi be uyu munsi niba ruvumwa.”

Minisitiri Kaboneka yagaragaje ishusho y’umunyamakuru u Rwanda rwifuza ko agomba kuba ari umuntu uharanira inyungu n’ukuri kw’igihugu cye.

“Umunyamakuru u Rwanda rwifuza ntabwo ari wawundi ukora umwuga kubera ko hari ushaka ko abikora uku, kubera ko ari we akesha amaramuko ahubwo igihugu cyifuza umunyamakuru ukoresha ukuri .

“Umuntu uturutse ikantarange akaza akakubwira ngo kora ibi kandi wowe uri mu Rwanda uzi ukuri kw’ibintu uko bimeze, ukirengagiza uko kuri ukajya gukora iby’undi ashaka ko ukora kandi uziko ibyo ashaka atari ukuri. Icyo gihe uri mu ruhe ruhande ?.”

Kaboneka yibukije abanyamakuru ko u Rwanda rwifuza ko bashyira inyungu zarwo imbere y’ibindi, bagahanira ko u Rwanda rukomeza gutera imbere kandi bagatuma umunyarwanda agira ishema, akagira agaciro mu gihugu cye.

Yakomeje agira ati “Umunyamakuru dukeneye uyu munsi ni uhaguruka agahangana n’abapfobya Jenoside yakorewe Abatutsi. Ni uhaguruka agahangana, akarwanya, akigisha atabikoresheje umujinya akabikoresha ukuri, akarwanya ingengabitekerezo ya Jenoside”.

Ubushakashatsi bwakozwe mu Rwanda bugaragaza ko itangazamakuru ryagize uruhare rungana na 70% muri Jenoside yakorewe abatutsi.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE