Advertisement
 
 
 
 
 
 
 
 

Politiki | Mu Rwanda

Perezida Kagame yasabye ingabo z’igihugu guhora ziteguye   

  Yanditswe na TWAGIRA WILSON
 2 months ago

 
 

Perezida Kagame yashimiye ingabo z’igihugu ubwitange zagaragaje mu muri uyu mwaka wa 2016 zikarinda umutekano w’abaturage n’ubusugire bw’igihugu.
Ni mu butumwa Umukuru w’Igihugu yageneye ingabo z’u Rwada n’izindi nzego z’umutekano abifuriza umwaka mushya muhire.

Yagize ati “Mu izina rya guverinoma y’u Rwanda umuryango wanjye no mu izina ryanjye bwite mfashe uyu mwanya ngo nifurize abagabo n’abagore bagize ingabo z’u Rwanda n’inzego z’umutekano hamwe n’imiryango wabo Noheli Nziza n’umwaka mushya muhire wa 2017.”

“Ibikorwa byanyu byagize uruhare rugaragara mu kugeza serivisi ku gihugu, ari nabyo byatumye tugera ku gihugu gifite amahoro kandi gitekanye bigatuma abaturage barushaho kubona ibyiza bishingiye ku bukungu n’imibereho myiza.”

"Mu gihe twegereza umwaka mushya dufite umwanya wo gusubiza amaso ku ngorane n’ibyiza twabonye muri uyu mwaka ushize no kureba ahakeneye kongerwamo imbaraga kurushaho, ibigaragara mu karere no ku rwego mpuzamahanga n’amasomo twakuye mu mateka yacu, bitwibutsa ko ingabo z’igihugu n’inzego z’umutekano bagomba gushyira umutima ku kazi kabo , bakaba amaso nk’uko bisanzwe.”

Yakomeje abibutsa ko bagomba guhora biteguye ati “Mushobora kwitabazwa igihe icyo ari cyo cyose, mugomba guhora mwiteguye kugira icyo mukora haba mu gihugu cyangwa hanze yacyo ku neza y’amahoro n’umutekano.”

Perezida Kagame yavuze ko hari bimwe mu bikorwa byagiye bishaka guhungabanya umutekano ariko bigakomwa mu nkokora.

Harimo nk’igiteri cyagabwe n’abarwanyi bikekwa ko ari FDLR mu ijoro ryo ku wa 16 Mata 2016 kuri sitasiyo ya polisi iri mu murenge wa Bugeshi mu karere ka Rubavu . Bahise basubizwa inyuma bivugwa ko bashakaga kwiba umurenge SACCO wa Bugeshi.

Kagame kandi yashimye polisi nayo yakoze ibikorwa bitandukanye birimo gukumira no kurwanya iterabwoba n’ibindi byaha bitandukanye.

 

Comments

 
 
Angola: Perezida Dos Santos yatangaje umusimbura nyuma y’imyaka 37 ari ku butegetsi
Angola: Perezida Dos Santos yatangaje umusimbura nyuma y’imyaka 37 ari ku butegetsi

Perezida wa Angola, Eduardo dose Santos yatangaje kuri uyu wa Gatanu ko atazongera kwiyamamaza ashyiraho Minisitiri w’Ingabo nk’umukandida uzamusimbura. Dos Santos w’imyaka 74, yayoboye Angola (...)

Perezida Kagame arakira indahiro z’abagize guverinoma nshya
Perezida Kagame arakira indahiro z’abagize guverinoma nshya

Perezida wa Repubulika y’u Rwanda, Paul Kagame arakira indahiro z’abaminisitiri n’abandi bayobozi bagize guverinoma yavuguruwe ku wa kabiri ku ya 4 Ukwakira 2016. Iyo guverinoma iyobowe na (...)

Trump na Hillary mu kiganiro mpaka cya kabiri ni inde uzatsinda?
Trump na Hillary mu kiganiro mpaka cya kabiri ni inde uzatsinda?

Abakandida bahatanira kuyobora Leta Zunze Ubumwe za Amerika, Donald Trump na Hillary Clinton baraye bagize ikiganiro mpaka. Mu kiganiro cya Mbere Trump yatsinze Hillary Ikiganiro mpaka cya (...)

 Kenya: Perezida Kagame yitabiriye inama ku buhinzi
Kenya: Perezida Kagame yitabiriye inama ku buhinzi

Perezida wa Repubulika, Paul Kagame, kuri uyu wa Gatatu, ari i Nairobi mu gihugu cya Kenya aho yitabiriye ihuriro ku mpinduramatwara mu birebana n’ubuhinzi butangiza ibidukikije ku mugabane wa (...)

Perezida Kagame  na Kabila  barahurira mu mujyi wa Rubavu
Perezida Kagame na Kabila barahurira mu mujyi wa Rubavu

Perezida wa Repubulika y’u Rwanda Paul Kagame, kuri uyu wa 12 Kanama 2016 yahuye n’uwa Repubulika Iharanira Demokarasi ya Congo, Joseph Kabila mu mujyi wa Rubavu. Biteganyijwe ko Perezida Kagame (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.