2017-06-27 12:16:32 clouds 27o High | Kigali Rwanda

Dukurikire:
 
 

Perezida Kagame yasabye itariki ntarengwa yo kureka burundu inkunga z’amahanga

Yanditswe na IMVAHO NSHYA

Kuya 2016-12-15 10:13:32

 
Share on:
 
Yasuwe:703
 
Yavuzweho:200
 
10
 
10

Perezida w’u Rwanda, Paul Kagame yafunguye ku mugaragaro inama ya 14 y’Umushyikirano yabereye i Kigali kuri uyu wa 15 Ukuboza 2016, asaba abayitabiriye gushyiraho itariki ntarengwa yo kugira ngo u Rwanda rube rwihagije rudakenera inkunga zivuye mu mahanga.

Mu ijambo yagejeje ku bitabiriye Umushyikirano, Umukuru w’Igihugu yagarutse ku hantuu Rwanda rwavuye n’iterambere rumaze kugeraho.

Yasobanuye ko mbere u Rwanda rwashyiraga ingufu nyinshi mu guhangana n’ingaruka za Jenoside yakorewe Abatutsi mu 1994, ariko kuri ubu rukaba ruharanira gusiga ibindi bihugu mu iterambere.

Ati “Ndagira ngo mbibutse ko mu 2001 Abanyarwanda bane ku icumi bari mu bukene bukabije ariko kuri ubu bageze hafi y’umwe ku icumi, ubu Rwanda ni igihugu cya kabiri cyorohereza abashoramari muri afurika nk’uko Banki y’Isi ibivuga […] Twahoze turuhira kurokoka none ubu turaharanira kurumbuka.”

Perezida Kagame yongeyeho ko ibikorwa by’iterambere u Rwanda rumaze kugeraho bidahagije, ahubwo ko ari byo Abanyarwanda bakwiye guheraho bakagera ku bindi bishimishije.

Yasabye abitabiriye inama y’umushyirano kuganira ku kwihesha Agaciro, bakibuka ko inzira y’iterambere atari idaharuye, abasaba ko baza kumvikana ku itariki ntarengwa yo kugira ngo igihugu kibe cyihagije muri byose.

Yagize ati “Hari nk’ikintu tumaze iminsi tuvugaho cyo kugendera ku bandi ngo baduhe ibyo dukeneye, ni ikibazo cy’Agaciro kacu. Nshaka ko muri uyu mushyikirano tugomba gushyiraho itariki ntarengwa ku buryo nyuma yayo u Rwanda rutazongera gutegereza ibyo abandi baruhaye.”

“Ingorane twahuye nazo zari zifite intego kuko zatumye twubaka ibyiza kurushaho… Kuri ubu imbogamizi tugihura nazo ziri muri twe ubwacu; ni izo kwishyira aheza tukumva ko tuzanyura mu nzira iharuye, dukwiye kumenya ko tuzanyura mu bikomeye niba dushaka kugera aheza twifuza.

Inama y’Umushyikirano ya 14 yabaye kuva kuri uyu wa 15 kugeza ku ya 16 Ukuboza 2016. Ifite insanganyamatsiko igira iti “Dufatanyije, Twubake u Rwanda twifuza”.

Iyi nama yitabiriwe n’abantu babarirwa mu 2000 barimo abayobozi ba guverinoma n’inzego z’ibanze, abadipolomate, abahagarariye sosiyete sivile, abanyamadini, abikorera n’Abanyarwanda bari muri Diaspora.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE