2017-06-27 12:16:32 clouds 27o High | Kigali Rwanda

Dukurikire:
 
 

Menya ingengabihe irambuye y’amatora ya Perezida yo muri 2017

Yanditswe na IMVAHO NSHYA

Kuya 2016-12-14 06:54:35

 
Share on:
 
Yasuwe:2783
 
Yavuzweho:200
 
10
 
10

Minisiteri y’Ubutegetsi bw’Igihugu, MINALOC, yatangaje ingengabihe y’amatora ya Perezida wa Repubulika y’u Rwanda azaba muri Kanama 2017.

Mu kiganiro n’itangazamakuru cyari kigamije gusobanura ibyaganiriwe mu nama y’Abaminisitiri iherutse kuba, Umunyamabanga wa Leta muri Minisiteri y’ubutegetsi bw’igihugu ushinzwe iterambere ry’abaturage Vincent Munyeshyaka, Vincent Munyeshyaka yagaragaje igihe ibikorwa byo kwiyamamaza n’amatora nyirizina bizabera.

JPEG - 250.2 kb
Umunyamabanga wa Leta muri Minisiteri y’ubutegetsi bw’igihugu ushinzwe iterambere ry’abaturage Vincent Munyeshyaka

Munyeshyaka yerekanye ingabihe iteye itya:

Ku ya 22 Kamena 2017: Kwakira kandidatire zemejwe by’agateganyo

Ku ya 27 Kamena 2017: Gutanga urutonde ntakuka rw’abakandida bemewe

Kuva ku ya 14 Nyakanga 2017 kugeza ku ya 3 Kanama 2017: Kwiyamamaza kw’abakandida bemejwe. Muri Diaspora ho bizarangira ku ya 2 Kanama

Ku ya 03 Kanama 2017:Gutora ku banyarwanda baba hanze y’igihugu

Ku ya 04 Kanama 2017: Gutora ku baturage bari imbere mu gihugu

Ku ya 9 Kanama 2017: Gutangaza by’agateganyo ibyavuye mu matora

Ku ya 16 Kanama 2017: Gutangaza burundu ibyavuye mu matora y’umukuru w’igihugu.

Ingengo y’imari yaragabanutse

Minisiteri y’Ubutegetsi bw’Igihugu ivuga ko ingengo y’imari ya miliyari eshanu z’amafaranga y’u Rwanda yagabanutse ugereranyije n’ayakoreshejwe mu matora aheruka.

Munyeshyaka yagize ati “Nta kindi cyabiteye ni uko hazigamwe ibikoresho byifashishijwe ubushize, umubare w’abakorerabushake wiyongereye n’uburyo bw’ikoranabuhanga buzagabanya cyane ibikoresho nk’impapuro kuko nko kuvugurura lisiti y’itora byakoreshejwe ikoranabuhanga.”

Amatora ya perezida wa Repubulika azakurikirwa n’ay’abagize Inteko Ishinga Amategeko umutwe w’Abadepite azaba muri 2018, hazakurikireho ay’abasenateri azaba muri 2019

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE