Advertisement
 
 
 
 
 
 
 
 

Politiki | Mu Rwanda

Incamake y’ibiganiro byahuje Perezida Kagame na Minisitiri w’Intebe w’u Buhinde   

  Yanditswe na IMVAHO NSHYA
 1 month ago

 
 

Perezida w’u Rwanda Paul Kagame na Narendra Modi, Minisitiri w’Intebe w’u Buhinde, biyemeje gufatanya kurwanya ibikorwa by’iterabwoba aho biva bikagera banahuza umugambi wo kurushaho gutsura umubano w’ibihugu byabo.

Mu biganiro bagiranye kuri uyu wa 10 Mutarama 2017, bemeranyije ko iterabwoba ari ikibazo gikomereye ikiremwamuntu, bavuga ko mu bihugu bayoboye batazihanganira na rimwe uwo ari we wese ugaragayeho iterabwoba.

Itangazo ryashyizwe ahagaragara nyuma y’inama y’abahuje n’amatsinda y’ibihugu byombi riragira riti “ Basubiyemo ko bafite ubushake bwo kurwanya iterabwoba mu moko yaryo yose, banashimangira ko nta rwitwazo na rumwe rushobora gutuma bihanganira ibikorwa bifitanye isano n’iterabwoba.”

Ibindi by’ingenzi baganiriyeho

 U Rwanda rwashimiye u Buhinde kubera Amasezerano y’Ubufatanye mu bya tekinike n’Ubukungu (ITEC) yemerera ingabo z’u Rwanda kwiga mu bigo byo mu Buhinde, no kuba Abanyarwanda batari bake bahabwa buruse bakajya kwiyongera ubumenyi muri za kaminuza zo muri icyo gihugu.

 Impande zombi zishimiye Amasezerano y’Ubufatanye arebana no kwifashisha siyansi mu bugenzacyaha n’ikusanyabimenyetso, (Memorandum of Understanding on Forensic Sciences) aho kaminuza ya Gujarat izafasha Polisi y’u Rwanda gukoresha ikoranabuhanga rigezweho mu iperereza.

 U Buhinde burateganya gufungura ibiro bihoraho by’ubihagarariye i Kigali (resident mission).

 Iki gihugu cyashimiye u Rwanda ku bw’iterambere ryihuse, no kuba mu mwaka ushize rwarakiriye neza amarushanwa y’umupira w’amaguru ya CHAN, inama zirimo World Economic Forum, iy’Umuryango w’Ubumwe bwa Afurika, iyiga ku masezerano y’i Montreal n’iy’ishoramari ku mugabane wa Afurika (TGAIS), n’izindi.

 U Buhinde bwashimiye u Rwanda nk’igihugu cya 25 cyemeje gahunda ya Minisitiri Modi yo guteza imbere amashanyarazi akomoka ku mirasire y’izuba, International Solar Alliance. Perezida Kagame na Minisitiri Modi bemeranya kugeza umuriro w’imirasire ku bihugu 35 mu byaro by’u Rwanda ku nkunga y’u Buhinde.

 U Buhinde bwemereye u Rwanda inguzanyo ya miliyari 120 z’amadorali yo kuhira imyaka ku mirima ya hegitari 41 190.

 Bwemeye inkunga yo kubaka urugomero rwa Nyabarongo ya II, kuzamura amashuri y’imyuga n’ubumenyingiro no kubaka umuhanda wa Huye-Kibeho.

 Minisitiri Modi yavuze ko igihugu cye kizatanga miliyoni eshatu z’amadorali zo kuzana imiti n’ibikoresho byo kwa muganga mu Rwanda.

 Ibihugu byemeranyije gusoza amasezerano ya serivisi z’ingendo zo mu ndege no gukuriraho viza abantu bafite pasiporo za dipolomasi n’iz’akazi.

 Byemeranyije gushyira ingufu mu masezerano y’ubufatanye bushingiye ku muco, ubukerarugendo cyane cyane ubusabane hagati y’urubyiruko rw’u Rwanda n’u Buhinde.

 U Rwanda rwiteguye kwakira uruzinduko rw’abayobozi bakuru muri guverinoma y’u Buhinde, ku itariki izamenyekana binyuze muri dipolomasi y’ibihugu byombi.

 

Comments

 
 
Angola: Perezida Dos Santos yatangaje umusimbura nyuma y’imyaka 37 ari ku butegetsi
Angola: Perezida Dos Santos yatangaje umusimbura nyuma y’imyaka 37 ari ku butegetsi

Perezida wa Angola, Eduardo dose Santos yatangaje kuri uyu wa Gatanu ko atazongera kwiyamamaza ashyiraho Minisitiri w’Ingabo nk’umukandida uzamusimbura. Dos Santos w’imyaka 74, yayoboye Angola (...)

Perezida Kagame arakira indahiro z’abagize guverinoma nshya
Perezida Kagame arakira indahiro z’abagize guverinoma nshya

Perezida wa Repubulika y’u Rwanda, Paul Kagame arakira indahiro z’abaminisitiri n’abandi bayobozi bagize guverinoma yavuguruwe ku wa kabiri ku ya 4 Ukwakira 2016. Iyo guverinoma iyobowe na (...)

Trump na Hillary mu kiganiro mpaka cya kabiri ni inde uzatsinda?
Trump na Hillary mu kiganiro mpaka cya kabiri ni inde uzatsinda?

Abakandida bahatanira kuyobora Leta Zunze Ubumwe za Amerika, Donald Trump na Hillary Clinton baraye bagize ikiganiro mpaka. Mu kiganiro cya Mbere Trump yatsinze Hillary Ikiganiro mpaka cya (...)

 Kenya: Perezida Kagame yitabiriye inama ku buhinzi
Kenya: Perezida Kagame yitabiriye inama ku buhinzi

Perezida wa Repubulika, Paul Kagame, kuri uyu wa Gatatu, ari i Nairobi mu gihugu cya Kenya aho yitabiriye ihuriro ku mpinduramatwara mu birebana n’ubuhinzi butangiza ibidukikije ku mugabane wa (...)

Perezida Kagame  na Kabila  barahurira mu mujyi wa Rubavu
Perezida Kagame na Kabila barahurira mu mujyi wa Rubavu

Perezida wa Repubulika y’u Rwanda Paul Kagame, kuri uyu wa 12 Kanama 2016 yahuye n’uwa Repubulika Iharanira Demokarasi ya Congo, Joseph Kabila mu mujyi wa Rubavu. Biteganyijwe ko Perezida Kagame (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.