Advertisement
 
 
 
 
 
 
 
 

Politiki | Mu Rwanda

2017: Ntacyo tuzemera ko cyasubiza inyuma ibyo twagezeho - Perezida Kagame   

  Yanditswe na IMVAHO NSHYA
 3 months ago

 
 

Mu ijambo risoza umwaka wa 2016, Perezida w’u Rwanda, Paul Kagame yasabye Abanyarwanda gukomeza gutanga umuganda wo kubaka igihugu, gutanga ibitekerezo no gusobanuza aho batanyuzwe; yanavuze ko igihugu gitekanye kandi ko benecyo batazihanganira uwasubiza inyuma ibyo cyagezeho.

Yagize ati "
Banyarwanda, banyarwandakazi, nshuti z’u Rwanda ndabasuhuje kandi mbifuriza mwese umwaka mushya muhire wa 2017, nk’uko byagarutsweho mu nama y’Igihugu y’Umushyikirano mu minsi mike ishize, muri uyu mwaka dutangiye Abanyarwanda twese dukwiye gukomeza gutanga umuganda wo kubaka u Rwanda.

Ibyo biradusaba gushyiraho gahunda ziduteza imbere, kuko nk’uko tubibona kandi tunabyemera dufite ibyangombwa n’amahirwe mu gihugu cyacu. Mu Rwanda dusenyera umugozi umwe, abaturage iyo basaba ko babaha serivise zinoze kandi zigera kuri bose, icyo gihe baba bafashije abayobozi.

Ni uburenganzira bwa buri wese gusaba ibisobanuro aho umuntu atanyuzwe, ndetse no gutanga inama z’uko ubona ibintu bikwiye gukorwa ngo bibe byiza kurushaho.

Tuzarushaho kugera kure twifuza, nidushyira imbere ubufatanye, ubwubahane n’urukundo dufitiye igihugu cyacu. Ubusugire n’umutekano by’igihugu cyacu nk’uko bisanzwe ni wo musingi w’iterambere kandi ntacyo tuzemera ko cyasubiza inyuma ibyo twagezeho.

Banyarwanda, banyarwandakazi mwerekanye ko mwanyuzwe na byinshi byiza twagezeho dukorera hamwe, ariko turanifuza ibyiza birenzeho. Ibi nibyo dukeneye, kwihutisha iterambere ry’u Rwanda.

Byaba ari amakosa tugabanije intambwe twitwaje ko hari aho twageze kuri byinshi biruta ibyo twatekerezaga gukora. Nimureke rero dukomeze guharanira kugera kure hashoboka mu nzego zose atari mu za Leta gusa ahubwo no mu z’abikorera.

Ndagira ngo nongere mbifurize umwaka mushya uzababere uw’ibyiza hamwe n’abanyu bose. Murakoze!

PNG - 869 kb
Perezida wa Repubulika y’u Rwanda, Paul Kagame
 

Comments

 
 
U Rwanda rukeneye abanyamakuru baharanira ukuri –Minisitiri Kaboneka
U Rwanda rukeneye abanyamakuru baharanira ukuri –Minisitiri Kaboneka

Minisitiri w’Ubutegetsi bw’Igihugu Kaboneka Francis yavuze ko umunyamakuru u Rwanda rwifuza ari uhagarara ku kuri kw’igihugu akanaharanira ahazaza heza hacyo. Ibi yabitangaje mu muhango wo kwibuka (...)

 USA yatangiye kohereza intwaro hafi ya Koreya Ruguru
USA yatangiye kohereza intwaro hafi ya Koreya Ruguru

Leta Zunze Ubumwe za Amerika (USA) yatangiye kohereza bimwe mu bice bigize igitwaro gikumira ibisasu bya misile muri Koreya y’Epfo kuri uyu wa Kabiri; nyuma y’uko Koreya ya Ruguru yongeye gutera (...)

Angola: Perezida Dos Santos yatangaje umusimbura nyuma y’imyaka 37 ari ku butegetsi
Angola: Perezida Dos Santos yatangaje umusimbura nyuma y’imyaka 37 ari ku butegetsi

Perezida wa Angola, Eduardo dose Santos yatangaje kuri uyu wa Gatanu ko atazongera kwiyamamaza ashyiraho Minisitiri w’Ingabo nk’umukandida uzamusimbura. Dos Santos w’imyaka 74, yayoboye Angola (...)

Perezida Kagame arakira indahiro z’abagize guverinoma nshya
Perezida Kagame arakira indahiro z’abagize guverinoma nshya

Perezida wa Repubulika y’u Rwanda, Paul Kagame arakira indahiro z’abaminisitiri n’abandi bayobozi bagize guverinoma yavuguruwe ku wa kabiri ku ya 4 Ukwakira 2016. Iyo guverinoma iyobowe na (...)

Trump na Hillary mu kiganiro mpaka cya kabiri ni inde uzatsinda?
Trump na Hillary mu kiganiro mpaka cya kabiri ni inde uzatsinda?

Abakandida bahatanira kuyobora Leta Zunze Ubumwe za Amerika, Donald Trump na Hillary Clinton baraye bagize ikiganiro mpaka. Mu kiganiro cya Mbere Trump yatsinze Hillary Ikiganiro mpaka cya (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.